ഇ ശ്രീധരനെ ഒഴിവാക്കിയത് പ്രധാനമന്ത്രി; കാരണം കേട്ടാല് ഞെട്ടും
കേരളത്തിന്റെ സ്വപ്നപദ്ധതികളിലൊന്നായ കൊച്ചി മെട്രോയുടെ ഉദ്ഘാടനച്ചടങ്ങില് നിന്നും മെട്രോമാന് ശ്രീധരനെ ഒഴിവാക്കിയത് വന്വിവാദമായിരുന്നു. മുഖ്യമന്ത്രി പിണറായി വിജയന് പ്രതിഷേധമറിയിച്ച് പ്രധാനമന്ത്രിക്ക് കത്തയയ്ക്കുകയും തുടര്ന്ന് ശ്രീധരനെ ചടങ്ങില് ഉള്പ്പെടുത്തുകയും ചെയ്തു. ഇതോടെ ഉദ്ഘാടനവുമായി ബന്ധപ്പെട്ട പ്രശ്നങ്ങളെല്ലാം തീര്ന്നു. ഇനിയാണ് ട്വിസ്റ്റ്. ഇ ശ്രീധരനെ ഒഴിവാക്കിയത് ആരെന്നും എന്തിനെന്നും അറിഞ്ഞാല് ഞെട്ടും. ഇ ശ്രീധരനില്ലാതെ കൊച്ചി മെട്രോ ഇത്ര വേഗത്തിലും ഭംഗിയിലും പൂര്ത്തിയാവുമായിരുന്നില്ല എന്നതൊരു യാഥാര്ത്ഥ്യമാണ്. അങ്ങനെയിരിക്കേ കൊച്ചി മെട്രോ ഉദ്ഘാടനം ചെയ്യപ്പെടുമ്പോള് വേദിയില് വേണ്ട ഏറ്റവും പ്രമുഖ സാന്നിധ്യം ശ്രീധരന്റേത് തന്നെയാണ്.
ഇ ശ്രീധരനെ ഒഴിവാക്കിയത് വന് വിവാദമാകാന് കാരണവും ഇത് തന്നെ.എന്ഡിഎയുടെ രാഷ്ട്രപതി സ്ഥാനാര്ത്ഥി ആരായിരിക്കും എന്ന കാര്യത്തില് ഇതുവരെ തീരുമാനമായിട്ടില്ല. വിദേശ കാര്യമന്ത്രി സുഷമസ്വരാജ് അടക്കം പലരുടേയും പേരുകള് ഉയര്ന്നു കേള്ക്കുന്നുണ്ട്. എന്നാല് രാഷ്ട്രപതി സ്ഥാനത്തേക്ക് ഇ ശ്രീധരനെയാണ് മോദി മനസ്സില് കാണുന്നത് എന്നാണ് ഇന്ത്യാ ടുഡെ വാര്ത്തയില് പറയുന്നത്. മോദിയുടെ അമേരിക്കന് ടൂര് തുടങ്ങുന്നതിന് മുന്പ് തന്നെ എന്ഡിഎയുടെ രാഷ്ട്പതി സ്ഥാനാര്ത്ഥി പ്രഖ്യാപനം ഉണ്ടാകും. ശ്രീധരനെ എന്ഡിഎ രാഷ്ട്രപതി സ്ഥാനാര്ത്ഥിയായി പ്രഖ്യാപിക്കുകയാണെങ്കില് അദ്ദേഹവുമായി വേദി പങ്കിടുന്നത് അനുചിതമാകുമെന്ന് കരുതിയാത്രേ ഉദ്ഘാടനച്ചടങ്ങില് നിന്നും ആദ്യം ഒഴിവാക്കിയത്.
പ്രധാനമന്ത്രിയും കേന്ദ്രമന്ത്രി വെങ്കയ്യനായിഡുവും ആണ് കേന്ദ്രത്തില് നിന്നും മെട്രോ ഉദ്ഘാടനവേദിയില് ഉണ്ടാവുക. കാര്യങ്ങള് ഇ ശ്രീധരനെ ധരിപ്പിച്ച ശേഷമാണത്രേ അദ്ദേഹത്തെ വേദിയില് ഉണ്ടാവേണ്ടവരുടെ ലിസ്ററില് നിന്നും പ്രധാനമന്ത്രിയുടെ ഓഫീസ് ഒഴിവാക്കിയത്. രാജ്യം ആദരവോടെ കാണുന്ന പൊതുസമ്മതനായ വ്യക്തി എന്ന നിലയ്ക്കാണ് എന്ഡിഎ രാഷ്ട്രപതി സ്ഥാനത്തേക്ക് ഇ ശ്രീധരനെ പരിഗണിക്കുന്നത് എന്നാണ് റിപ്പോര്ട്ടുകള്. ഈ ശ്രീധരന്റെ സ്ഥാനാര്ത്ഥിത്വത്തെ പ്രതിപക്ഷം കാര്യമായി എതിര്ക്കില്ലെന്നും ബിജെപി പ്രതീക്ഷിക്കുന്നു.
https://www.facebook.com/Malayalivartha
