ഡയറക്ടറായി നിയമിക്കപ്പെട്ട അര്ച്ചന രാമസുന്ദരം ചുമതലയേല്ക്കുന്നത് സുപ്രീം കോടതി വിലക്കി
സിബിഐ അഡീഷണല് ഡയറക്ടറായി നിയമിക്കപ്പെട്ട അര്ച്ചന രാമസുന്ദരം ചുമതലയേല്ക്കുന്നത് സുപ്രീം കോടതി വിലക്കി. തമിഴ്നാട് സര്ക്കാരിന്റെ സസ്പെന്ഷന് നിലനില്ക്കുന്നതിനാലാണ് നടപടി. സിബിഐയില് ചേര്ന്നതിനെ തുടര്ന്ന് തമിഴ്നാട് സര്ക്കാര് ഇന്നാണ് ഐപിഎസ് ഓഫീസറായ അര്ച്ചനയെ സസ്പെന്റ് ചെയ്തത്. സിബിഐയുടെ ഉന്നത സ്ഥാനത്ത് എത്തുന്ന ആദ്യ സ്ത്രീയായിരുന്നു അര്ച്ചന. പുതിയ ചുമതലയേല്ക്കുന്നതിന് മുമ്പ് സംസ്ഥാന സര്ക്കാരിന്റെ അനുമതി വാങ്ങാത്തതിനാല് തമിഴ്നാട് പൊലീസ് അര്ച്ചനയെ സസ്പെന്റ് ചെയ്തതായി ഉത്തരവിറക്കുകയായിരുന്നു. ഇവരോട് ചെന്നൈയില് തന്നെ തിരിച്ചെത്താനും തമിഴ്നാട് പൊലീസ് ആവശ്യപ്പെട്ടിട്ടുണ്ട്. തമിഴ്നാട് യൂണിഫോംഡ് സര്വ്വീസ് റിക്രൂട്ട്മെന്റ് ബോര്ഡ് മേധാവിയായിരുന്നു അര്ച്ചന രാമസുന്ദരം. സിബിഐ ഡയറക്ടര് രഞ്ജിത് സിന്ഹയുടെ പ്രത്യേക താല്പര്യപ്രകാരമാണ് ഇവരുടെ സ്ഥാനക്കയറ്റമെന്ന ആരോപണം കാരണം അര്ച്ചനയുടെ സിബിഐ നിയമനം നേരത്തെയും വിവാദമായിരുന്നു. 1982 ബാച്ച് ബംഗാള് കേഡര് ഐപിഎസ് ഓഫീസറായ ആര്കെ പാച്നന്ദയുടെ പേരായിരുന്നു കേന്ദ്ര വിജിലന്സ് കമ്മീഷന് നാമ നിര്ദേശം ചെയ്തത്. ഇത് മറികടന്നായിരുന്നു അര്ച്ചനയുടെ നിയമനം. നേരത്തെ സിബിഐ ഡപ്യൂട്ടി ഇന്സ്പെക്ടര് ജനറലായും അര്ച്ചന രാമസുന്ദരം പ്രവര്ത്തിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
