പതിനാറാം ലോക്‌സഭാ തെരഞ്ഞെടുപ്പില്‍ വോട്ടെണ്ണല്‍ പുരോഗമിക്കുമ്പോള്‍ ബിജെപി നേതൃത്വത്തിലുള്ള എന്‍ഡിഎ സഖ്യം 304 മണ്ഡലങ്ങളില്‍ ലീഡ്  ചെയ്യുന്നു. 162 സീറ്റുകള്‍ അധികം നേടിയിട്ടുണ്ട്. കോണ്‍ഗ്രസ് 76 സീറ്റുകളില്‍ മാത്രമാണ് ലീഡ് ചെയ്യുന്നത്. മറ്റുള്ളവര്‍ 150 സീറ്റുകളില്‍ ലീഡ് ചെയ്യുന്നു. 15 സീറ്റുകളില്‍ ഫലസൂചനകള്‍ പുറത്തുവന്നിട്ടില്ല. കോണ്‍ഗ്രസ് ചരിത്രത്തിലെ ഏറ്റവും ദയനീയ തോല്‍വിയിലേക്ക് നീങ്ങുകയാണ്.

ബിജെപിയുടെ പ്രധാനമന്ത്രി സ്ഥാനാര്‍ഥി നരേന്ദ്ര മോഡി വഡോദരയില്‍ വിജയിച്ചു. കോണ്‍ഗ്രസ് ജനറല്‍ സെക്രട്ടറി മധുസൂദന്‍ മിസ്ത്രിയെ മൂന്നര ലക്ഷം വോട്ടിന്റെ ഭൂരിപക്ഷത്തിലാണ് മോഡി പരാജയപ്പെടുത്തിയത്. വാരാണസിയില്‍ മോഡി ഒരു ലക്ഷം വോട്ടിന് ലീഡ് ചെയ്യുകയാണ്. ആം ആദ്മി പാര്‍ട്ടി നേതാവ് അരവിന്ദ് കെജ്‌രിവാളും കോണ്‍ഗ്രസിലെ അജയ് റായുമാണ് എതിരാളികള്‍.അസംഘട്ടില്‍ സമാജ്‌വാദി പാര്‍ട്ടി നേതാവ് മുലായം സിംഗ് യാദവ്, വിദ്ധിഷയില്‍ ബിജെപി നേതാവ് സുഷ്മ സ്വരാജ്, നാഗ്പൂരില്‍ നിതിന്‍ ഗഡ്കരി, ഗാന്ധിനഗറില്‍ എല്‍.കെ അദ്വാനി, റായ് ബറേലിയില്‍ സോണിയ ഗാന്ധി, അമേഠിയില്‍ രാഹുല്‍ ഗാന്ധി, ചാന്ദിനി ചൗകില്‍ ഡോ.ഹര്‍ഷ വര്‍ദ്ധന്‍ എന്നിവര്‍ ലീഡ് ചെയ്യുന്നു. കേന്ദ്രമന്ത്രി കപില്‍ സിബലാണ് ഇവിടെ പിന്നില്‍. ലഖ്‌നോവില്‍ രാജ്‌നാഥ് സിംഗ് പിന്നിലാണ്.ആം ആദ്മി പാര്‍ട്ടി സ്ഥാനാര്‍ഥികളുടെ പ്രമുഖ സ്ഥാനാര്‍ഥികള്‍ പിന്നിലാണ് അരവിന്ദ് കെജ്‌രിവാള്‍, അമേഠിയില്‍ കുമാര്‍ വിശ്വാസും പിന്നിലാണ്. കോണ്‍ഗ്രസിലെ അ്മൃതി ഇറാനിയാണ് അമേഠിയിലെ മറ്റൊരു സ്ഥാനാര്‍ഥി.
ഒടുവില്‍ ലഭിക്കുന്ന ലീഡ് നില അനുസരിച്ച് എക്‌സിറ്റ് പോള്‍ പ്രവചനങ്ങള്‍ ശരിവച്ച് ബിജെപി മുന്നോറ്റം തുടരുകയാണ്.