തിരഞ്ഞെടുപ്പിലെ ജനവിധി അംഗീകരിക്കുന്നു... മന്മോഹന് സിങ് രാജിവെച്ചു
മന്മോഹന്സിങ് സര്ക്കാര് രാഷ്ട്രപതി പ്രണബ് മുഖര്ജിക്ക് രാജി സമര്പ്പിച്ചു. മന്മോഹന് സിങ്ങിന്റെയും മന്ത്രിസഭയുടെയും രാജി രാഷ്ട്രപതി സ്വീകരിച്ചതായി രാഷ്ട്രപതിഭവന് അറിയിച്ചു.
ലോക്സഭാ തിരഞ്ഞെടുപ്പിലെ ജനവിധി അംഗീകരിക്കുന്നുവെന്നും പുതിയസര്ക്കാരിന് അഭിനന്ദനങ്ങളെന്നും പ്രധാനമന്ത്രി മന്മോഹന്സിങ് പറഞ്ഞു. ദേശീയ ടെലിവിഷനിലൂടെ രാജ്യത്തെ ജനങ്ങളോട് നടത്തിയ വിടവാങ്ങല് പ്രസംഗത്തിലാണ് അദ്ദേഹം ഇക്കാര്യം പറഞ്ഞത്.
ഇന്ത്യയെ സേവിക്കാന് കഴിഞ്ഞതില്അഭിമാനമുണ്ട്. തനിക്ക് എല്ലാം നല്കിയത് രാജ്യമാണ്. രാഷ്ട്രത്തിന്റെയും ജനങ്ങളുടെയും സ്നേഹത്തിന് മരണം വരെയും നന്ദിയുള്ളവനായിരിക്കും അദ്ദേഹം പറഞ്ഞു. കഴിഞ്ഞ പത്ത് വര്ഷം നേട്ടങ്ങളുടേതായിരുന്നുവെന്നും തന്റെ ജീവിതവും ഭരണകാലയളവും തുറന്ന പുസ്തകമാണെന്നും അദ്ദേഹം പറഞ്ഞു. അഭിവൃദ്ധിയുടെ വര്ഷങ്ങളാണ് കടന്നുപോയത്. ജനങ്ങള്ക്ക് ഇത് വിലയിരുത്താവുന്നതാണെന്നും മന്മോഹന് സിങ് പറഞ്ഞു.
യുപിഎ സര്ക്കാരിന്റെ അവസാന മന്ത്രിസഭായോഗത്തിനുശേഷം ഉച്ചക്ക് 12.30നാണ് പ്രധാനമന്ത്രി മന്മോഹന് സിങ് രാഷ്ട്രപതി പ്രണബ് മുഖര്ജിക്ക് രാജിക്കത്ത് നല്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
