നാടകമേ ഉലകം... സോണിയ ഗാന്ധിയും രാഹുല് ഗാന്ധിയും രാജി സന്നദ്ധത അറിയിച്ചു, പ്രവര്ത്തക സമിതി അംഗങ്ങള് രാജിക്കാര്യം തള്ളി
ലോക്സഭാ തെരഞ്ഞെടുപ്പിലെ കനത്ത പരാജയം വിലയിരുത്താന് കൂടിയ കോണ്ഗ്രസ് പ്രവര്ത്തക സമിതി യോഗം എല്ലാം നാടകമേ ഉലകം എന്ന മട്ടില്തന്നെ അവസാനിച്ചു. യോഗത്തില് സോണിയാ ഗാന്ധിയും രാഹുല് ഗാന്ധിയും കോണ്ഗ്രസ് അധ്യക്ഷ, ഉപാധ്യക്ഷന് പദവികള് രാജി വെക്കാന് സന്നദ്ധത അറിയിച്ചു. എന്നാല് പ്രവര്ത്തന സമിതി അംഗങ്ങള് രാജി വാഗ്ദാനം തള്ളി. സോണിയയിലും രാഹുലിലും വിശ്വാസം അര്പ്പിച്ച് യോഗം പ്രമേയം പാസാക്കി.
അതേസമയം രാജ്യസഭാ പ്രതിപക്ഷ നേതാവാകാന് താല്പര്യമില്ലെന്ന് എകെ ആന്റണി വ്യക്തമാക്കി. ആന്റണി രാജ്യസഭയിലെയും മുതിര്ന്ന കോണ്ഗ്രസ് നേതാവ് കമല്നാഥ് ലോക്സഭയിലേയും പ്രതിപക്ഷ നേതാവാകാന് സാധ്യതയുണ്ടെന്ന് നേരത്തെ സൂചനകളുണ്ടായിരുന്നു. മുഖ്യമന്ത്രി ഉമ്മന്ചാണ്ടി കോണ്ഗ്രസ് പ്രവര്ത്തക സമിതിയിലെത്തുമെന്നും സൂചനയുണ്ട്. തെരഞ്ഞെടുപ്പില് ചരിത്രത്തിലെ ഏറ്റവും വലിയ തോല്വി ഏറ്റുവാങ്ങിയ കോണ്ഗ്രസ് ഇത്തവണ നേടിയത് വെറും 44 സീറ്റാണ്. 10 സംസ്ഥാനങ്ങളില് ഒരു സീറ്റ് പോലും നേടാന് കോണ്ഗ്രസിന് കഴിഞ്ഞില്ല. ജനവികാരം മനസ്സിലാക്കുന്നുവെന്നും ഉത്തരവാദിത്തം ഏറ്റെടുക്കുന്നുവെന്നുമായിരുന്നു തെരഞ്ഞെടുപ്പ് പരാജയത്തിന് ശേഷം രാഹുല് ഗാന്ധിയുടെ പ്രതികരണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
