ജമ്മു കാശ്മീരില്‍ ബസ്  മലയിടുക്കിലേക്ക് മറിഞ്ഞ് 17പേര്‍ മരിച്ചു. 30 പേര്‍ക്ക് പരിക്കേറ്റു. റംബാന്‍ ജില്ലയിലെ ജമ്മു-ശ്രീനഗര്‍ ദേശീയപാതയില്‍ വെച്ചാണ് അപകടം ഉണ്ടായത്. ജമ്മുവില്‍ നിന്നും ശ്രീനഗറിലേക്ക് യാത്രക്കാരുമായി പോയ ബസാണ് നിയന്ത്രണം തെറ്റി മലയിടുക്കിലേക്ക് മറിഞ്ഞത്. പതിനാലോളം പേര്‍ സംഭവസ്ഥലത്ത് വെച്ച് തന്നെ മര​​ണപ്പെട്ടു. പരിക്കേറ്റവരെ ആശുപത്രിയിലെത്തിക്കാന്‍ ഹെലികോപ്റ്ററുകള്‍ സ്ഥലത്തെത്തി. പൂഞ്ച്, റജൗരി ജില്ലകളില്‍ നിന്നും റിക്രൂട്ട്‌മെന്റ് റാലിയില്‍ പങ്കെടുക്കാനായി  എത്തിയ യുവാക്കളാണ് ബസിലുണ്ടായിരുന്നതെന്നാണ് റിപ്പോര്‍ട്ട്. ഗുജറാത്തിലേക്കു പോകുന്ന യാത്രക്കാരും ബസില്‍ ഉണ്ടായിരുന്നു.