ഇന്ത്യയുടെ പതിനഞ്ചാമത്‌ പ്രധാനമന്ത്രിയായി നരേന്ദ്രമോദി തിങ്കളാഴ്‌ച സത്യപ്രതിജ്‌ഞ ചെയ്‌ത്‌ അധികാരമേല്‍ക്കും. കേന്ദ്രമന്ത്രിസഭ ഈ മാസം 26 നും അധികാരമേല്‍ക്കും. തിങ്കളാഴ്‌ച വൈകിട്ട്‌ 6 മണിക്ക്‌ രാഷ്‌ട്രപതി ഭവന്‍ അങ്കണത്തില്‍ വെച്ചാണ്‌ സത്യപ്രതിജ്ഞ ചടങ്ങ്‌ നടക്കുക. ബി ജെ പി പാര്‍ലമെന്ററി പാര്‍ട്ടി നേതാവായും എന്‍ ഡി എ നേതാവായും മോദിയെ ഔപചാരികമായി തെരഞ്ഞെടുത്തു.
മന്ത്രിസഭാ രൂപീകരണ ആവശ്യവുമായി മോദിയുള്‍പ്പെടെ ബി ജെ പിയുടെ 15 നേതാക്കള്‍ രാഷ്‌ട്രപതി പ്രണബ്‌ മുഖര്‍ജിയെ കണ്ടു. തുടര്‍ന്ന്‌ മോദിയെ പിന്തുണയ്‌ക്കുന്ന നേതാക്കളുടെ പട്ടികയും കൈമാറി. തുടര്‍ന്ന്‌ സര്‍ക്കാര്‍ ഉണ്ടാക്കാന്‍ രാഷ്‌ട്രപതി മോദിയെ ക്ഷണിച്ചു.
പൊതുവേ ദര്‍ബാര്‍ ഹാളില്‍ വെച്ച്‌ നടക്കുന്ന ചടങ്ങ്‌ പങ്കെടുക്കുന്ന ആളുകളുടെ തിരക്ക്‌ കണക്കിലെടുത്താണ്‌ അങ്കണത്തിലേക്ക്‌ മാറ്റിയത്‌. കരിയാമുണ്ട ലോക്‌സഭാ സ്‌പീക്കറായേക്കുമെന്നും സൂചനയുണ്ട്‌.
മോദി നാളെ ഗുജറാത്ത്‌ മുഖ്യമന്ത്രി സ്ഥാനം രാജി വെയ്‌ക്കും. മോദിയുടെ അനുയായിയായ ആനന്ദി ബെന്‍ പട്ടേല്‍ ഗുജറാത്ത്‌ മുഖ്യമന്ത്രിയായേക്കും. അങ്ങനെയെങ്കില്‍ ഗുജറാത്തിന്റെ ആദ്യ വനിത മുഖ്യമന്ത്രിയാകും ആനന്ദി ബെന്‍ പട്ടേല്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha