പാകിസ്താന്‍, ബംഗ്ലാദേശ് പ്രധാനമന്ത്രിമാര്‍ക്ക് നരേന്ദ്ര മോഡിയുടെ ക്ഷണം. തിങ്കളാഴ്ച മോഡി പ്രധനമന്ത്രിയായി സത്യപ്രതിജ്ഞ ചെയ്ത് അധികാരമേല്‍ക്കുന്ന ചടങ്ങിലേക്ക് നവാസ് ഷെരീഫിനെയും ഷെയ്ഖ് ഹസീനയെയും ക്ഷണിക്കാന്‍ ബിജെപി നേതൃത്വം തീരുമാനിച്ചു.

ഇന്നലെ രാഷ്ട്രപതി പ്രണബ് മുഖര്‍ജിയുമായി നടത്തിയ കൂടിക്കാഴ്ചയിലാണ് സാര്‍ക് രാജ്യങ്ങളില്‍ നിന്നും മറ്റു ലോക രാജ്യങ്ങളില്‍ നിന്നും രാഷ്ട്രത്തലവന്മാരെ ക്ഷണിക്കാന്‍ ബിജെപി ആവശ്യമുന്നയിച്ചത്. ഇതോടെ വിദേശകാര്യ മന്ത്രാലയം ക്ഷണക്കത്തുകള്‍ തയ്യാറാക്കി നടപടിയിലേക്കു കടന്നു.

അതേസമയം, നേരിട്ടെത്താന്‍ കഴിഞ്ഞില്ലെങ്കില്‍ പാകിസ്താന്‍, ബംഗ്ലാദേശ് പ്രധാനമന്ത്രിമാര്‍ മന്ത്രിയെ അയക്കും. പ്രധാനമന്ത്രിമാരുടെ സത്യപ്രതിജ്ഞയ്ക്ക് മറ്റു രാഷ്ട്രത്തലവന്മാരെ ക്ഷണിക്കുന്ന കീഴ്‌വഴക്കം ഇന്ത്യയിലില്ല. എന്നാല്‍, മോഡിയുടെ വിദേശകാര്യ നയത്തിന്റെ മുന്നൊരുക്കമാണ് ഈ നടപടിയെന്നും സൂചനയുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha