കേന്ദത്തിനു പുറമെ സംസ്ഥാനങ്ങളെയും ഭരിക്കാന് നരേന്ദ്രമോദി തയ്യാറാവുന്നു
കേന്ദ്രത്തില് മാത്രമല്ല സംസ്ഥാനങ്ങളും ഭരിക്കാന് നിയുക്ത പ്രധാനമന്ത്രി നരേന്ദ്ര മോദി തയ്യാറെടുക്കുന്നു. എല്ലാ സംസ്ഥാനങ്ങളിലും പ്രധാനമന്ത്രിയുടെ സെല് തുറക്കാനുള്ള മോദിയുടെ തീരുമാനത്തിന് പിന്നില് സംസ്ഥാനങ്ങള്ക്കു കൂച്ചു വിലങ്ങിടാനുള്ള നീക്കമാണുള്ളത്. ഒരു സീനിയര് ഐ എ എസുകാരന്റെ നേതൃത്വമാണ് സെല്ലിനുണ്ടാകുക. പ്രധാനമന്ത്രിക്കും കേന്ദ്രസര്ക്കാരിനുമുള്ള നിവേദനങ്ങള് ഇനി പ്രധാനമന്ത്രിയുടെ സെല്ലില് നല്കിയാല് മതി. നിവേദനങ്ങളില് ഉടനടി നടപടിയുണ്ടാകും. മാസം രണ്ട് തവണ ഡല്ഹി യാത്ര നടത്തുന്ന ഉദ്യോഗസ്ഥര്ക്ക് പാരയായി മാറും ഈ സെല് .
സെക്രട്ടറിയേറ്റിലായിരിക്കും സെല് പ്രവര്ത്തിക്കുക. ഓരോ സംസ്ഥാനങ്ങളിലും പ്രധാനമന്ത്രിയുടെ കണ്ണുകളായിട്ടായിരിക്കും സെല്ലിന്റെ പ്രവര്ത്തനം. സംസ്ഥാന സര്ക്കാരുകളുടെ നീക്കങ്ങള് അപ്പപ്പോള് തന്നെ കേന്ദ്രത്തെ അറിയിക്കാന് സംവിധാനം ഉണ്ടാകും. കേന്ദ്ര സര്ക്കാരിനെതിരെ സംസ്ഥാന സര്ക്കാര് നടത്തുന്ന പ്രചരണങ്ങളും സംഭവങ്ങളും മോദിയെ നേരിട്ടറിയിക്കാന് സെല്ലില് സംവിധാനം ഉണ്ടാകും. മോദിയുടെ സെല്ലില് കേന്ദ്ര സര്ക്കാരിന് വിശ്വസ്തനായ ഐ എ എസുകാരനായിരിക്കും നിയമിക്കപ്പെടുക. മോദി സെല്ലില് നിയമിക്കപ്പെടാനുള്ള ഉദ്യോഗസ്ഥരുടെ ലിസ്റ്റ് നരേന്ദ്ര മോദിയുടെ ഓഫീസ് എടുത്തു തുടങ്ങിയിട്ടുണ്ട്.
തുടക്കത്തില് കേന്ദ്ര സര്ക്കാരിന് കേരള പ്രതിനിധി ഉണ്ടാകില്ലെന്ന് ഏതാണ്ട് ഉറപ്പായി. രാജഗോപാലിന്റെ തോല്വിയാണ് കാരണം. എന്നാല് കേരളത്തില് ബി ജെ പിക്ക് വോട്ട് വര്ധിച്ച സാഹചര്യത്തില് മലയാളിയെ മന്ത്രിയാക്കണമെന്ന ആവശ്യം ശക്തമായിട്ടുണ്ട്. എന്നാല് ഇക്കാര്യം മോദി അംഗീകരിക്കാന് സാധ്യതയില്ല.
ഗുജറാത്തില് മുഖ്യമന്ത്രിയായിരിക്കെ വിവിധ സര്ക്കാര് ഓഫീസുകളിലും ജില്ലാ ആസ്ഥാനങ്ങളിലും മോദി പരാതിപ്പെട്ടികള് സ്ഥാപിച്ചിരുന്നു. പരാതിപ്പെട്ടിയില് നിന്നും പരാതി ലഭിച്ചാല് അത് മുഖ്യമന്ത്രിയുടെ സെല് പരിശോധിച്ച് ആവശ്യമായ നടപടികള് ഉടന് സ്വീകരിക്കുമായിരുന്നു. ഇതേ സംവിധാനമാണ് മോദി സംസ്ഥാനങ്ങളില് നടപ്പിലാക്കുന്നത്.
ചുരുക്കത്തില് സംസ്ഥാനങ്ങളില് ഒരു സമാന്തര ഭരണമാണ് മോദി ഉദ്ദേശിക്കുന്നത്. ഐ എ എസുകാരുടെ പ്രവര്ത്തനങ്ങളും വീക്ഷിക്കപ്പെടും. സംസ്ഥാന സര്ക്കാര് നടപ്പിലാക്കുന്ന പദ്ധതികളുടെ വിശദാംശങ്ങള് കേന്ദ്രത്തിന് നേരിട്ട് ലഭിക്കാനും വഴിയൊരുക്കും. സര്ക്കാര് തലത്തില് നടക്കുന്ന അഴിമതികളും മോദിയുടെ ശ്രദ്ധയില് ഉടനടിയെത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
