മികച്ച വിദ്യാഭ്യാസസൗകര്യമൊരുക്കുന്നതിന് ഒരു വില്ലേജിലെ എല്ലാ സര്‍ക്കാര്‍ സ്‌കൂളുകളും ലയിപ്പിക്കാന്‍ കേന്ദ്ര നിര്‍ദ്ദേശം. ഇതുസംബന്ധിച്ച് മാനവവിഭവശേഷി മന്ത്രാലയം തയ്യാറാക്കിയ കരട് മാര്‍ഗരേഖയില്‍ സംസ്ഥാനസര്‍ക്കാരുകളുടെ അഭിപ്രായം ആരാഞ്ഞു.

പുതുതായി കുട്ടികളെ ലഭിക്കാത്തവയും 30ല്‍ താഴെ കുട്ടികളുള്ളവയും അധ്യാപകര്‍ കുറവുമുള്ള സ്‌കൂളുകളെ ലയിപ്പിക്കണമെന്നാണ് നിര്‍ദ്ദേശം. ഇത്തരം 2.60 ലക്ഷം സ്‌കൂളുകള്‍ രാജ്യത്തുണ്ടെന്നാണ് കണക്ക്.

ഒരുപ്രദേശത്തുള്ള െ്രെപമറി, അപ്പര്‍ െ്രെപമറി സ്‌കൂളുകളാകും പ്രധാനമായും ലയിപ്പിക്കുക. ലയനത്തിനുശേഷം നിലനിര്‍ത്തുന്ന സ്‌കൂളിനെ മാതൃകാസ്‌കൂളാക്കി മാറ്റും. ഭൗതികസാഹചര്യം വര്‍ദ്ധിപ്പിക്കുക, കുട്ടികളുടെ എണ്ണത്തിനാനുപാതികമായി അധ്യാപകരെ നിയമിക്കുക, വിദ്യാഭ്യാസത്തിന്റെ ഗുണമേന്മ മെച്ചപ്പെടുത്തുക, കുട്ടികളുടെ കൊഴിഞ്ഞുപോക്ക് ഇല്ലാതാക്കുക തുടങ്ങിയവ പദ്ധതിയുടെ ലക്ഷ്യങ്ങളാണ്.

2015-16 അധ്യയനവര്‍ഷം 2,49,994 സ്‌കൂളുകളില്‍ 30ല്‍ താഴെ കുട്ടികളാണുണ്ടായിരുന്നതെന്ന് മന്ത്രാലയത്തിന്റെ കരട് മാര്‍ഗരേഖയില്‍ വ്യക്തമാക്കി. ഇതില്‍ 1,87,006 െ്രെപമറി സ്‌കൂളുകളും 62,988 അപ്പര്‍ െ്രെപമറി സകൂളുകളും ഉള്‍പ്പെടുന്നു. 7,166 സ്‌കൂളുകളില്‍ ഒരു കുട്ടിപോലും പുതുതായി എത്തിയില്ല. 87,000 സ്‌കൂളുകളില്‍ ഒരു ടീച്ചര്‍ മാത്രമാണുണ്ടായിരുന്നത്. ഈ പശ്ചാത്തലത്തിലാണ് ലയനനിര്‍ദേശം.

സ്‌കൂളുകള്‍ ലയിപ്പിക്കുന്ന വിഷയത്തില്‍ സംസ്ഥാന സര്‍ക്കാര്‍ അന്തിമ നിലപാട് എടുത്തിട്ടില്ലെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. നിലവിലെ സ്‌കൂളുകളെ ശാക്തീകരിക്കുന്നതിനാണ് പ്രഥമപരിഗണന നല്‍കുന്നത്. ജനകീയപങ്കാളിത്തത്തോടെ രണ്ടുവര്‍ഷത്തിനുള്ളില്‍ ഇത്തരം സ്‌കൂളുകളുടെ ശാക്തീകരണം സാധിക്കുമെന്നാണ് പ്രതീക്ഷ.