പ്രധാനമന്ത്രി നരേന്ദ്രമോദിയുടെ സുരക്ഷക്ക് ഇസ്രയേലി നായ്ക്കള്
പ്രധാനമന്ത്രി നരേന്ദ്രമോദിയുടെ സുരക്ഷയ്ക്ക് ഇസ്രയേലില് നിന്നും പ്രത്യേക പരിശീലനം ലഭിച്ച നായ്ക്കളും. കഴിഞ്ഞ ഒരു വര്ഷത്തിനിടെ മുപ്പതോളം നായ്ക്കളാണ് ഇസ്രയേലില് നിന്നും ഇറക്കുമതി ചെയ്തത്. മോദിയുടെ സുരക്ഷാ ചുമതലയുള്ള സ്പെഷ്യല് പ്രൊട്ടക്ഷന് ഫോഴ്സിന് കീഴിലായിരിക്കും ഈ നായകളുണ്ടാവുക. സ്ഫോടകവസ്തുക്കള് മണത്തറിയുന്നതിന് പ്രത്യേകം പരിശീലനം ലഭിച്ചവയാണ് ഇവ.
ലാബ്രഡോര്, ജെര്മ്മന്ഷെപ്പേഡ്, ബെല്ജിയന് മാലിനോയിസ് എന്നീ ഇനങ്ങളില് പെട്ട നായ്ക്കളാണ് സംഘത്തിലുള്ളത്. ഇസ്രയേലി സൈന്യത്തിലെ നായ്ക്കളുടെ വിഭാഗത്തിലെ അംഗങ്ങളാണ് ഇന്ത്യയിലേക്ക് ഇറക്കുമതി ചെയ്യപ്പെട്ടവ. പത്തു വയസുവരെയാണ് ഇസ്രയേലില് നായകളുടെ സേവനകാലം. അതുകഴിഞ്ഞ് ഇവയെ താത്പര്യമുള്ളവര്ക്ക് കൈമാറുകയാണ് പതിവ്.
പത്ത് വയസിന് താഴെ പ്രായമുള്ളവയാണ് ഇസ്രയേലില് നിന്നും ഇറക്കുമതി ചെയ്ത എല്ലാ നായ്ക്കളും. എത്ര തുക നല്കിയാണ് ഇസ്രയേലി നായ്ക്കളെ ഇന്ത്യയിലെത്തിച്ചതെന്ന് പറയാന് സൈനിക വൃത്തങ്ങള് തയ്യാറായിട്ടില്ല. ആറ് മാസത്തിനിടെ 24 എസ്പിജി നായ്ക്കളെയാണ് പരിശീലനശേഷം പുറത്തിറക്കുന്നത്. പരിശീലനകാലയളവില് പ്രത്യേകം പരിഗണനയാണ് ഈ നായകള്ക്ക് ലഭിക്കുക. മികച്ച ഭക്ഷണവും വൃത്തിയുള്ള താമസസൗകര്യവും കുളിക്കാന് സ്വിമ്മിംങ് പൂള് അടക്കമുള്ളവയും ഇവക്ക് ലഭിക്കും. നിശ്ചിത കാലയളവില് വൈദ്യപരിശോധനയും നടത്തും.
https://www.facebook.com/Malayalivartha
