ഡോംഗ്ലാംഗില് ജനങ്ങളെ ഒഴിപ്പിക്കുന്നു;യുദ്ധത്തിനുള്ള മുന്നൊരുക്കമോ..?
സംഘര്ഷം നിലനില്ക്കുന്ന ഇന്ത്യ-ഭൂട്ടാന്-ചൈന സംഗമസ്ഥാനമായ ഡോംഗ്ലാംഗില് നിന്നും ജനങ്ങള് ഒഴിഞ്ഞുപോകാന് ഇന്ത്യന് സൈന്യം ആവശ്യപ്പെട്ടതായി റിപ്പോര്ട്ട്. ഡോംഗ്ലാംഗിനെ ചൊല്ലി ഇന്ത്യയും ചൈനയും തമ്മിലുള്ള സംഘര്ഷം അയവില്ലാതെ തുടരുന്ന സാഹചര്യത്തിലാണ് മേഖലയിലെ ജനങ്ങളോട് ഒഴിഞ്ഞുപോകാന് സൈന്യം ആവശ്യപ്പെട്ടത്. എന്നാല്, ഇക്കാര്യങ്ങളുമായി ബന്ധപ്പെട്ട് ഔദ്യോഗിക പ്രതികരണത്തിന് സൈന്യം തയാറായിട്ടില്ല.
കഴിഞ്ഞ അമ്പത് ദിവസത്തിലേറെയായി ഇന്ത്യയുടേയും ചൈനയുടേയും സൈനികര് നേര്ക്കുനേര് നില്ക്കുന്ന ഡോംഗ്ലാംഗില് നിന്നും 35 കിലോമീറ്റര് അകലെയുള്ള നതാങ് എന്ന ഗ്രാമത്തിലെ ജനങ്ങളോടാണ് എത്രയും വേഗം വീടുകള് ഒഴിയാന് സൈന്യം ആവശ്യപ്പെട്ടിരിക്കുന്നത്.
നൂറുകണക്കിനാളുകള് ഇതേതുടര്ന്ന് മറ്റ് സ്ഥലങ്ങളിലേക്ക് മാറിയിട്ടുണ്ട്. മേഖലയില് വലിയ തോതിലുള്ള സൈനിക വിന്യാസം നടക്കുന്നതായി നതാങ് മേഖലയിലെ ജനങ്ങളും വെളിപ്പെടുത്തി. അതേസമയം, സെപ്റ്റംബറില് നടത്താറുള്ള പരിശീലനത്തിന്റെ ഭാഗമാണ് നടപടിയെന്ന് ചില മുതിര്ന്ന സൈനിക ഉദ്യോഗസ്ഥര് പറഞ്ഞു. ഈ വര്ഷം ഇത് അല്പം നേരത്തെ നടത്തുന്നുവെന്നാണ് ഉദ്യോഗസ്ഥരുടെ വിശദീകരണം.
https://www.facebook.com/Malayalivartha
