രാജഗോപാല് ഗവര്ണറാകും
ബിജെപി സര്ക്കാരിന്റെ ഗവര്ണര്മാരുടെ പട്ടികയില് കേരളത്തില് നിന്നുള്ള ഒ. രാജഗോപാലും ഉള്പ്പെട്ടു. ലോക്സഭാ തെരഞ്ഞെടുപ്പില് തിരുവനന്തപുരം മണ്ഡലത്തില് ഇടതു മുന്നണിയെ മൂന്നാംസ്ഥാനത്ത് പിന്തള്ളി രാജ ഗോപാല് രണ്ടാം സ്ഥാനത്ത് എത്തിയിരുന്നു. അവസാന മണിക്കൂറുകള് വരെ രാജഗോപാല് ജയിക്കുമെന്ന് തോന്നിച്ചിരുന്നു.
രാജഗോപാല് പരാജയപ്പെട്ടെങ്കിലും കേന്ദ്രമന്ത്രിയാക്കുമെന്ന് കണക്കാക്കിയിരുന്നു. എന്നാല് ബിജെപിയ്ക്ക് അയിത്തം കല്പ്പിച്ച കേരളത്തിന് കേന്ദ്രമന്ത്രി വേണ്ട എന്ന നിലപാടാണ് ഒ. രാജഗോപാല് സ്വീകരിച്ചത്. രാജഗോപാല് മന്ത്രി അല്ലെങ്കില് ഗവര്ണര് ആകുമെന്ന് നേരത്തേതന്നെ പ്രചരണമുണ്ടായിരുന്നു.
പ്രധാന സംസ്ഥാനങ്ങളില് ഏതെങ്കിലും ഒന്നിലാകും രാജഗോപാലിനെ ഗവര്ണര് ആക്കുക. കേന്ദ്രത്തില് ഭരണ മാറ്റം വന്നെങ്കിലും ഇതുവരെ ഗവര്ണര്മാരെ ബിജെപി സര്ക്കാര് മാറ്റിയിരുന്നില്ല.
രാജഗോപാലിനെ കൂടാതെ കല്യാണ് സിംഗ്, കേസരിനാഥ് ത്രിപാഠി, വി.കെ. മല്ഹോത്ര എന്നിവരും ഗവര്ണരുടെ പട്ടികയിലുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
