മോഡിയുമായുള്ള കൂടിക്കാഴ്ചയില് തൃപ്തി അറിയിച്ച് നവാസ് ഷെരീഫിന്റെ കത്ത്
പ്രധാനമന്ത്രി നരേന്ദ്രമോഡിയുമായുള്ള കൂടിക്കാഴ്ചയില് സംതൃപ്തി പ്രകടിപ്പിച്ച് പാകിസ്ഥാന് പ്രധാനമന്ത്രി നവാസ് ഷെരീഫ് കത്തെഴുതി. ഇരു രാജ്യങ്ങളും തമ്മിലുള്ള തര്ക്ക പ്രശ്നങ്ങളില് സമാധാനപരമായ പരിഹാരം കാണാന് കഴിയുമെന്ന പ്രതീക്ഷയും ഷെരീഫ് കത്തില് പങ്കു വച്ചു. ഭാവിയില് മോഡിയുമായി ചേര്ന്നു പ്രവര്ത്തിക്കാനാകുമെന്നും അദ്ദേഹം പ്രത്യാശിച്ചു.
മെയ് 26ന് മോഡി പ്രധാനമന്ത്രിയായി സത്യപ്രതിജ്ഞ ചെയ്ത ചടങ്ങില് നവാസ് ഷെരീഫും പങ്കെടുത്തിരുന്നു. അടുത്ത ദിവസമായിരുന്നു ഇരുവരും തമ്മിലുള്ള കൂടിക്കാഴ്ച. കൂടിക്കാഴ്ചയ്ക്ക് ശേഷം താന് തൃപ്തനായാണ് പാകിസ്ഥാനിലേക്ക് മടങ്ങിയതെന്നും ഇരു രാജ്യങ്ങളിലും ലക്ഷക്കണക്കിന് ദരിദ്രരുണ്ടെന്നും അവര്ക്ക് ഭരണാധികാരികളുടെ ശ്രദ്ധ ആവശ്യമാണെന്നും ഒരുമിച്ചുള്ള പ്രവര്ത്തനം രാജ്യങ്ങളുടെ പുരോഗതിക്ക് കാരണമാകുമെന്നും ഷെരീഫ് കത്തില് പറയുന്നു.
https://www.facebook.com/Malayalivartha
