യു പിയില് വീണ്ടും കൂട്ട ബലാത്സംഗം; യുവതിയെ മരത്തില് കെട്ടിത്തൂക്കി
11 JUNE 2014 06:28 AM IST
മലയാളി വാര്ത്ത.
ഉത്തര്പ്രദേശിലെ വടക്കന് പ്രദേശമായ ബഹ്റാകില് യുവതിയെ കൂട്ട ബലാത്സംഗം ചെയ്ത് കൊലപ്പെടുത്തിയ ശേഷം മരത്തില് കെട്ടിതൂക്കി. തലസ്ഥാനമായ ലക്നോയില് നിന്നും 130 കിലോമീറ്റര് അകലെയാണ് സംഭവം.
കഴിഞ്ഞ ദിവസം യുപിയിലെ ബദുവാനില് രണ്ടു പെണ്കുട്ടികളെ ബലാത്സംഗം ചെയ്ത് കൊലപ്പെടുത്തി മരത്തില് കെട്ടിതൂക്കിയ സംഭവത്തിന് പിന്നാലെയാണ് സമാനമായ സംഭവം റിപ്പോര്ട്ട് ചെയ്തിരിക്കുന്നത്.
പ്രദേശത്തെ വ്യാജമദ്യ ലോബിക്കെതിരേ പരാതി നല്കിയിരുന്നെന്നും ഇതിന്റെ പ്രകോപനമാണ് കൊലപാതകമെന്നും യുവതിയുടെ മകന് ആരോപിച്ചു. യുവതിയുടെ മൃതദേഹം പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റി. സംഭവത്തില് ആരെയും അറസ്റ്റ് ചെയ്തിട്ടില്ല. വിശദമായ പരിശോധനയ്ക്ക് ശേഷമേ ബലാത്സംഗം നടന്നോയെന്ന് വ്യക്തമാക്കാന് കഴിയൂ എന്ന് പോലീസ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
