കനത്ത മഴ; ഉത്തരാഖണ്ഡില് ജാഗ്രതാ നിര്ദ്ദേശം
കനത്ത മഴയില് ഭാഗീരഥി നദിയില് ജലനിരപ്പുയര്ന്നതിനെ തുടര്ന്ന് ഉത്തരാഖണ്ഡിലെ രുദ്രപ്രയാഗില് റെഡ് അലര്ട്ട് പ്രഖ്യാപിച്ചു. മഴ തുടരുന്ന ഉത്തരകാശിയിലും ജാഗ്രതാനിര്ദേശം നല്കിയിട്ടുണ്ട്. അതേസമയം, മുന്കരുതലായി റെഡ് അലര്ട്ട് പ്രഖ്യാപിച്ചതാണെന്നും ജനങ്ങള് പരിഭ്രാന്തരാകേണ്ട കാര്യമില്ലെന്നും അധികൃതര് അറിയിച്ചു.
അപകടസാധ്യതയുള്ള ഏഴു പ്രധാന മേഖലകളില് സുരക്ഷാ ഉദ്യോഗസ്ഥരെ നിയോഗിച്ചതായി സര്ക്കാര് അറിയിച്ചു. കഴിഞ്ഞ രണ്ടു ദിവസമായി മേഖലകളില് കനത്ത മഴ തുടരുകയാണ്. ഭാഗീരഥി നദിയിലെ ജലനിരപ്പ് അപകടരേഖയായ 1,102 മീറ്ററിന് രണ്ടു മീറ്റര് മാത്രം താഴെയാണ്. തിലോത്ത്, പുരിഖേര്, വാല്മീകി ബസ്തി മേഖലകളില് പ്രത്യേക നിരീക്ഷണമാണ് നടത്തുന്നതെന്നും അധികൃതര് അറിയിച്ചു.
കഴിഞ്ഞ ജൂണില് ഉത്തരാഖണ്ഡിലുണ്ടായ കനത്ത പ്രളയത്തില് 10,000-ത്തോളം പേര് കൊല്ലപ്പെട്ടിരുന്നു. നിരവധി റോഡുകളും പാലങ്ങളും കെട്ടിടങ്ങളും ഗ്രാമങ്ങളും പ്രളയത്തില് മുങ്ങി.
https://www.facebook.com/Malayalivartha
