കോണ്ഗ്രസ് അസം മുഖ്യമന്ത്രിയെ മാറ്റിയേക്കുമെന്ന് സൂചന
തെരഞ്ഞെടുപ്പ് തോല്വിക്ക് പിന്നാലെ കോണ്ഗ്രസില് നടപടികള് ആലോചനയില്. അസം മുഖ്യമന്ത്രി തരുണ് ഗോഗോയിയെ മാറ്റിയേക്കുമെന്ന് സൂചന. എഐസിസി നിരീക്ഷകസംഘം അസമിലെ സ്ഥിതിഗതികള് വിലയിരുത്തും. ഇതിനിടെ ഹരിയാന മുഖ്യമന്ത്രി ഭൂപീന്ദര് ഹൂഡ സോണിയാഗാന്ധിയുമായി കൂടിക്കാഴ്ച നടത്തുകയാണ്. അസമിന് പുറമെ മഹാരാഷ്ട്ര, ഹരിയാന മുഖ്യമന്ത്രിമാരേയും മാറ്റാന് കോണ്ഗ്രസ് ആലോചിക്കുന്നുണ്ട്.
നേരത്തെ തെരഞ്ഞെടുപ്പ് തോല്വിയുടെ പശ്ചാത്തലത്തില് തന്നെ തരുണ് ഗൊഗോയ് രാജിക്കൊരുങ്ങിയിരുന്നു. അന്ന് കോണ്ഗ്രസ് നേതൃത്വം അത് പരിഗണിച്ചിരുന്നില്ല. എന്നാല് സംസ്ഥാനത്തെ കോണ്ഗ്രസ് നേതാക്കളില് നിന്നും തന്നെ ഗോഗോയുടെ രാജിക്കായ് മുറവിളി ഉയര്ന്നതിനെ തുടര്ന്നാണ് കോണ്ഗ്രസ് നേതൃത്വം നിലപാട് മാറ്റാന് ആലോചിക്കുന്നത്. അസമിലെ ആരോഗ്യമന്ത്രി ഗോഗോയി രാജി വെക്കണമെന്ന് പരസ്യമായി ആവശ്യപ്പെട്ടിരുന്നു. ആസമിലെ ആകെയുളള എട്ട് സീറ്റില് രണ്ട് സീറ്റില് മാത്രമാണ് കോണ്ഗ്രസിന് വിജയിക്കാനായത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
