ചാനലില് നിന്ന് പുറത്താക്കി; മാധ്യമപ്രവര്ത്തക ചാനല് ഓഫീസിന് മുന്നില് ആത്മഹത്യയ്ക്ക് ശ്രമിച്ചു
സ്വകാര്യ ചാനലിലെ വനിതാ മാധ്യമപ്രവര്ത്തക ചാനല് ഓഫീസിനുമുന്നില് വിഷംകഴിച്ച് ജീവനൊടുക്കാന് ശ്രമിച്ച് ഗുരുതരാവസ്ഥയില്. ഡല്ഹിയിലാണ് സംഭവം. സഹപ്രവര്ത്തകര് മാനസികമായി പീഡിപ്പിക്കന്നുവെന്നാരോപിച്ചായിരുന്നു ആത്മഹത്യാശ്രമം. ചാനലിന്റെ നോയിഡ ഓഫീസിന് മുന്നിലാണ് അവതാരകയായ മാധ്യമപ്രവര്ത്തക ജീവനൊടുക്കാന് ശ്രമിച്ചത്.
ചാനലിലെ ചില സഹപ്രവര്ത്തകരുമായി പ്രശ്നങ്ങള് നിലനിന്നിരുന്നു. ഇതേ തുടര്ന്ന് സ്റ്റാഫ് അംഗങ്ങളില് ഒരാള്ക്ക് ചാനലില് നിന്ന് രാജിവക്കുന്നതായി കാണിച്ച് ഇവര് ടെക്സ്റ്റ് മെസേജ് അയച്ചു. മെസേജ് കിട്ടിയയാള് ഇത് ചാനലിന്റെ എച്ച്ആര് വിഭാഗത്തിന് അയച്ചു. ഈ മെസേജ് രാജിയായി കണക്കിലെടുത്ത് റിപ്പോര്ട്ടറെ ചാനല് പുറത്താക്കുകയും ചെയ്തു.ഇതോടെ മാനസികമായി തളര്ന്ന മാധ്യമപ്രവര്ത്തക താന് ജീവനൊടുക്കാന് പോകുകയാണെന്ന് ഫെയ്സ്ബുക്കില് പോസ്റ്റ് ചെയ്തു. പിന്നീട് ചാനല് ഓഫീസിന് മുന്നിലെത്തി വിഷം കഴിക്കുകയായിരുന്നു. വിഷം കഴിച്ച് അവശയായ യുവതിയെ ആശുപത്രിയില് പ്രവേശിപ്പിച്ചു. പോലീസ് കേസെടുത്ത് അന്വേഷണം ആരംഭിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
