മാര്‍ഷല്‍ ഓഫ് ദി എയര്‍ഫോഴ്‌സ് അര്‍ജന്‍ സിംഗിന് പൂര്‍ണ സൈനിക ബഹുമതികളോടെ രാജ്യം വിട നല്കി
മാര്‍ഷല്‍ ഓഫ് ദി എയര്‍ഫോഴ്‌സ് അര്‍ജന്‍ സിംഗിന് പൂര്‍ണ സൈനിക ബഹുമതികളോടെ രാജ്യം വിട നല്കി. ഡല്‍ഹി ബ്രാര്‍ ചത്വരത്തില്‍ നടന്ന സംസ്‌കാര ചടങ്ങില്‍ മുന്‍ പ്രധാനമന്ത്രി മന്‍മോഹന്‍ സിംഗ്, പ്രതിരോധ മന്ത്രി നിര്‍മല സീതാരാമന്‍, മുതിര്‍ന്ന ബിജെപി നേതാവ് എല്‍.കെ. അദ്വാനി എന്നിവരും കരവ്യോമനാവിക സേനാ മേധാവികളും പങ്കെടുത്തു. സംസ്‌കാര ചടങ്ങുകള്‍ പൂര്‍ത്തിയായി.
അര്‍ജന്‍ സിംഗ് ശനിയാഴ്ച രാത്രി ഹൃദയാഘാതത്തെത്തുടര്‍ന്നാണ് അന്തരിച്ചത്. അര്‍ജന്‍ സിംഗിനോടുള്ള ആദരസൂചകമായി ഡല്‍ഹിയിലെ സര്‍ക്കാര്‍ ഓഫീസുകളിലെയും മന്ദിരങ്ങളിലെയും ദേശീയ പതാക പകുതി താഴ്ത്തിക്കെട്ടിയിരുന്നു. 1965 ലെ ഇന്ത്യപാക് യുദ്ധകാലത്തെ വീരോചിത സേവനങ്ങളെത്തുടര്‍ന്നാണ് അര്‍ജന്‍ സിംഗിന് മാര്‍ഷല്‍ ഓഫ് ദി ഇന്ത്യന്‍ എയര്‍ഫോഴ്‌സ് പദവി നല്കിയത്. പദ്മവിഭൂഷന്‍ ബഹുമതിയും നല്കി രാഷ്ട്രം ഇദ്ദേഹത്തെ ആദരിച്ചിട്ടുണ്ട്.
https://www.facebook.com/Malayalivartha
