സ്‌കൂളുകളില്‍ ലൈംഗിക വിദ്യാഭ്യാസം നിരോധിക്കണമെന്ന്‌ പറഞ്ഞ്‌ വിവാദം സൃഷ്‌ടിച്ച കേന്ദ്ര ആരോഗ്യ മന്ത്രി ഹര്‍ഷവര്‍ധന്‍ നിലപാടു മാറ്റി. സ്‌കൂള്‍ കുട്ടികള്‍ക്ക്‌ ലൈംഗിക വിദ്യാഭ്യാസം അത്യാവശ്യമാണെന്നും എന്നാല്‍ അത്‌ ഒരു തരത്തിലും സഭ്യേതരമാകരുതെന്നും മന്ത്രി തിരുത്തി. വിദേശ യാത്രയിലായ മന്ത്രി വിവാദം കത്തിയപ്പോഴാണ്‌ തന്റെ നിലപാട്‌ മാറ്റിയത്‌.
ഒരു ഡോക്‌ടര്‍ കൂടിയായ ഞാന്‍ യുക്തിപൂര്‍വമായ കാര്യങ്ങളെ പ്രോത്സാഹിപ്പിക്കുന്ന വ്യക്തിയാണ്‌. ശാസ്‌ത്രീയവും സാസ്‌കാരികവുമായി അംഗീകരിക്കാവുന്നതുമായ അധ്യാപനത്തെ പൂര്‍ണ മനസോടെ അംഗീകരിക്കുന്നു. യുപിഎ സര്‍ക്കാര്‍ 2007ല്‍ നടപ്പിലാക്കാന്‍ തീരുമാനിച്ച കൗമാര വിദ്യാഭ്യാസ പദ്ധതിയെ അടിസ്ഥാനമാക്കിയാണ്‌ തന്റെ പ്രസ്ഥാവനയെന്നും മന്ത്രി പറഞ്ഞു.
ലൈംഗിക വിദ്യാഭ്യാസം നിര്‍ത്തലാക്കണമെന്നും സ്‌കൂളുകളില്‍ യോഗ നിര്‍ബന്ധമാക്കണമെന്നും മന്ത്രി കഴിഞ്ഞ ദിവസം പറഞ്ഞത്‌ ഏറെ വിവാദമായിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha