മാധ്യമങ്ങളോട് സംസാരിക്കാന്‍ പാര്‍ട്ടി അനുമതി തേടണമെന്ന് എം.പിമാരോട് പ്രധാനമന്ത്രി നരേന്ദ്രമോദി. മാന്യതവിട്ട് പെരുമാറരുതെന്നും മണ്ഡലങ്ങളില്‍ കൂടുതല്‍ സമയം ചെലവഴിക്കണമെന്നും പുതിയതായി തെരഞ്ഞെടുക്കപ്പെട്ട എംപിമാരുടെ ശില്‍പ്പശാലയില്‍ മോദി നിര്‍ദ്ദേശം നല്‍കി. ശില്‍പ്പശാല ഹരിയാനയിലെ സൂരജ്കുണ്ഡില്‍ പുരോഗമിക്കുകയാണ്. മോദിക്ക് പുറമെ ആഭ്യന്തരമന്ത്രി രാജ്‌നാഥ് സിംഗും എം.പിമാരെ അഭിസംബോധന ചെയ്ത് സംസാരിക്കും. എം.പിമാരുടെ പ്രവര്‍ത്തനശൈലി സംബന്ധിച്ച കാര്യങ്ങളും ചര്‍ച്ചയാകും.