ന്യൂനപക്ഷ പ്രീണനം കോണ്ഗ്രസിന്റെ ലക്ഷ്യമല്ല... ആന്റണിയുടെ പ്രസ്താവനയെ തള്ളി കോണ്ഗ്രസ്
എ.കെ. ആന്റണിയുടെ പ്രസ്താവനയെ തള്ളി കോണ്ഗ്രസ് രംഗത്ത്. ന്യൂനപക്ഷ പ്രീണനം കോണ്ഗ്രസിന്റെ ലക്ഷ്യമല്ലെന്ന് മനീഷ് തിവാരി പറഞ്ഞു. ന്യൂനപക്ഷങ്ങളെ ഉള്ക്കൊള്ളുന്നതാണ് യഥാര്ത്ഥ ജനാധിപത്യം. കേരളത്തിലെ പ്രത്യേക സാഹചര്യത്തിലാകും എ.കെ. ആന്റണി മതേതരത്വം സംബന്ധിച്ച പ്രസ്താവന നടത്തിയതെന്നും മനീഷ് തിവാരി ദേശീയ ചാനലിന് അനുവദിച്ച അഭിമുഖത്തില് പറഞ്ഞു.
ആന്റണിയുടെ പ്രസ്താവനയെ സ്വാഗതം ചെയ്ത് മുതിര്ന്ന ബിജെപി നേതാവ് എല്.കെ അദ്വാനി രംഗത്തെത്തിയിരുന്നു. കോണ്ഗ്രസിന്റെ മതേതരവാദം ന്യൂനപക്ഷ പ്രീണനം മാത്രമാണെന്ന് അദ്വാനി പറഞ്ഞു. ഇക്കാര്യം ബിജെപി നേരത്തേ വ്യക്തമാക്കിയതാണ്. മതേതരത്വം എന്നതുകൊണ്ട് ബിജെപി ഉദ്ദേശിക്കുന്നത് എല്ലാവര്ക്കും തുല്ല്യനീതിയാണെന്നും ആന്റണിയുടെ തിരിച്ചറിവ് മറ്റ് കോണ്ഗ്രസ് നേതാക്കള്ക്കും ഉണ്ടാകണമെന്നും അദ്വാനി പറഞ്ഞിരുന്നു. ഇതിനെ തുടര്ന്നാണ് ആന്റണിയുടെ നിലപാടിനെ തള്ളി കോണ്ഗ്രസ് രംഗത്തെത്തിയത്.
ആന്റണിയെ വിമര്ശിച്ച് കെ മുരളീധരന് എംഎല്എയും രംഗത്തെത്തി. മാറാട് കലാപത്തില് സ്വാഭാവിക നീതി നടപ്പാക്കാത്ത ആന്റണിക്ക് മതേതരത്വത്തെക്കുറിച്ച് പറയാന് ധാര്മ്മികമായ അവകാശമില്ലെന്ന് മുരളീധരന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
