കെട്ടിടത്തിന് മുകളിള് നിന്ന് വീണ പെണ്കുട്ടിയുടെ ശരീരത്തില് തുളഞ്ഞു കയറിയത് മൂന്ന് കമ്പികള്
കെട്ടിടത്തിന് മുകളിള് നിന്ന് വീണ പതിനേഴുകാരിയുടെ അരയിലൂടെ തുളച്ചുകയറിയ മൂന്ന് ഇരുമ്പു കമ്പികള് 5 മണിക്കൂര് നീണ്ട ശസ്ത്രക്രിയയിലൂടെ ഡോക്ടര്മാര് നീക്കം ചെയ്തു. ബീഹാറിലെ സരാനാ ജില്ലയിലാണ് സംഭവം. ആശുപത്രിയില് കഴിയുന്ന പെണ്കുട്ടി അതിവേഗം സുഖം പ്രാപിക്കുന്നുവെന്ന് ആശുപത്രി വൃത്തങ്ങള് അറിയിച്ചു.
നിര്മ്മാണം നടന്നുകൊണ്ടിരിക്കുന്ന കെട്ടിടത്തിന് മുകളില് നിന്ന് താഴെ പില്ലറിനായി സ്ഥാപിച്ചിരുന്ന കമ്പികള്ക്കു മേലെയാണ് പെണ്കുട്ടി വീണത്. വിവാഹ പാര്ട്ടിക്കെത്തിയ പെണ്കുട്ടി ഉറങ്ങാനായി പോകുമ്പോഴായിരുന്നു അപകടം.
നിലവിളി കേട്ടെത്തിയവര് അപകടം കണ്ട് പകച്ചുപോയി. ഒടുവില് പെണ്കുട്ടിയുടെ ബന്ധുക്കള് കമ്പിയുടെ ശരീരത്തിലൊഴികെയുള്ള ഭാഗം ശ്രദ്ധാപൂര്വ്വം മുറിച്ചുമാറ്റുകയായിരുന്നു. 10 മണിക്കൂര് വേദന സഹിച്ച ശേഷമാണ പെണ്കുട്ടിയെ ആശുപത്രിയിലാക്കാനായത്. 5 മണിക്കൂര് നീണ്ട ശസ്ത്രക്രിയക്കു ശേഷമാണ് കമ്പികള് പുറത്തെടുത്തത്. പ്രധാന അവയവങ്ങള്ക്കൊന്നും പരിക്കേല്ക്കാത്തതാണ് പെണ്കുട്ടിക്ക് രക്ഷയായത്. വടക്കന് ബീഹാര് സ്വദേശിയാണ് പെണ്കുട്ടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
