മുംബൈ സ്‌ഫോടന പരമ്പര; യാസിന്‍ ഭട്‌കല്‍ കുറ്റസമ്മതം നടത്തി
മുംബൈ സ്‌ഫോടന പരമ്പര കേസില്‍ ജയിലില്‍ കഴിയുന്ന ഇന്ത്യന്‍ മുജാഹിദീന്‍ സ്ഥാപകനേതാവ്‌ യാസിന്‍ ഭട്‌കല്‍ കുറ്റസമ്മതം നടത്തി. സ്‌ഫോടനം വിജയകരമായി നടത്താന്‍ കഴിഞ്ഞതില്‍ അഭിമാനമുണ്ടെന്നും ഭട്‌കല്‍ പറഞ്ഞു. മഹാരാഷ്‌ട്ര പോലീസിന്റെ ഭീകരവിരുദ്ധ സ്‌ക്വാഡ്‌ മുമ്പാകെയാണ്‌ ഭട്‌കല്‍ കുറ്റസമ്മതം നടത്തിയത്‌.
സ്‌ഫോടനം നടത്തിയത്‌ ഒരു കുറ്റമായി കാണുന്നില്ലെന്നും ഭട്‌കല്‍ പറഞ്ഞു. സ്‌ഫോടനത്തില്‍ പശ്ചാത്താപമില്ലെന്ന്‌ ഭട്‌കലിന്റെ സഹായി അസദുള്ള അക്തറും അറിയിച്ചു. 2005 മുതല്‍ രാജ്യത്തെ വിവിധ സംസ്ഥാനങ്ങളില്‍ നടത്തിയ സ്‌ഫോടനങ്ങളെക്കുറിച്ചും ഭട്‌കല്‍ കുറ്റസമ്മതത്തില്‍ പറയുന്നു.
2013 ഓഗസ്റ്റിലാണ്‌ ഇന്തോ നേപ്പാള്‍ അതിര്‍ത്തിയില്‍ നിന്ന് ഭട്‌കല്‍ പിടിയിലാകുന്നത്‌. മഹാരാഷ്‌ട്ര കണ്‍ട്രോള്‍ ഓഫ്‌ ഓര്‍ഗനൈസ്‌ഡ്‌ ക്രൈം ആക്‌ട്‌ പ്രകാരമാണ്‌ ഇയാളെ അറസ്റ്റ്‌ ചെയ്തത്. 2011 സ്‌ഫോടനപരമ്പരക്കേസില്‍ ഭട്‌കലിനും അസദുള്ള അക്തറിനുമെതിരേ എടിഎസ്‌ 300 പേജുള്ള അനുബന്ധ കുറ്റപത്രം തയാറാക്കിയിരുന്നു.
https://www.facebook.com/Malayalivartha
