വികസനത്തിലൂന്നി മോഡി സര്ക്കാരിന്റെ ആദ്യ റെയില്വേ ബജറ്റ്; ഇന്ത്യന് റെയില്വേയെ ലോകത്തെ ഒന്നാം നമ്പര് സര്വീസാക്കും
നരേന്ദ്ര മോഡി സര്ക്കാരിന്റെ കന്നി റെയില് ബജറ്റ് അവതരിപ്പിച്ചു. ഇന്ത്യന് റയില്വേയെ ലോകത്തിലെ ഏറ്റവും കൂടുതല് ചരക്ക് കടത്തുന്ന റയില്വേയാക്കുക എന്നതാണ് ലക്ഷ്യമെന്ന് റെയില് മന്ത്രി സദാനന്ദഗൗഡ പറഞ്ഞു. ഇന്ത്യന് റെയില്വേയെ ലോകത്തെ ഒന്നാം നമ്പര് സര്വീസാക്കും.
ജനങ്ങളുടെ സന്തോഷമാണ് ഭരണാധികാരികളുടെ സന്തോഷം. നേരിട്ടുള്ള വിദേശ നിക്ഷേപത്തിന് കൂടുതല് ഊന്നല് നല്കും. ഇന്ത്യന് റയില് സാമൂഹിക പ്രതിബന്ധത കാത്തു സൂക്ഷിക്കും. കൂടുതല് ട്രെയിനുകളും കൂടുതല് ലൈനുകളും ഉണ്ടാകുമെന്നും സുരക്ഷയിലും കാര്യക്ഷമതയിലും വിട്ടുവീഴ്ചയില്ലെന്നും വിപുലീകരണം അനിവാര്യമാണെന്നും അദ്ദേഹം കൂട്ടിച്ചേര്ത്തു.
പ്രധാന പ്രഖ്യാപനങ്ങള്
മുംബൈ-അഹമ്മദാബാദ് റൂട്ടില് ബുള്ളറ്റ് ട്രെയിന്
ഇ-ബുക്കിംഗ് വഴിയുള്ള ടിക്കറ്റ് പരിധി ഉയര്ത്തും. ഒരു മിനിട്ടിനുള്ളില് 7200 ടിക്കറ്റുകള് നല്കും. 1,20,000 പേര്ക്ക് ലോഗിന് ചെയ്ത് സേവനം ഉപയോഗിക്കാം.
യാത്രക്കാരുടെ സുരക്ഷയ്ക്ക് 17,000 ആര്.പി. എഫ് ഉദ്യോഗസ്ഥരെ നിയമിക്കും.
സ്ത്രീകളുടെ സുരക്ഷയ്ക്ക് 4000 വനിതാ കോണ്സ്റ്റബിള്മാരെ നിയമിക്കും.
തീര്ത്ഥാടന കേന്ദ്രങ്ങളിലേക്ക് പ്രത്യേക ട്രെയിന് സര്വ്വീസ്
ഭക്ഷണത്തിന് ഗുണനിലവാരം ഉറപ്പാക്കും,സുരക്ഷിതത്വം,ശുചിത്വം എന്നിവയ്ക്ക് മുന്ഗണന
അടുത്തിടെ വരുത്തിയ നിരക്ക് വര്ദ്ധനയിലൂടെ 8000 കോടി രൂപയുടെ അധിക വരുമാനം ലഭിക്കും
കാത്തിരിപ്പു കേന്ദ്രങ്ങളില് ഓണ്ലൈന് ബുക്കിംഗ് സംവിധാനം
ശുചിത്വം ഉറപ്പാക്കാന് സ്റ്റേഷനുകളില് സിസിടിവികള്
എല്ലാ സ്റ്റേഷനുകളിലും ഓവര് ബ്രിഡ്ജുകളും ടോയ്ലറ്റുകളും കുടിവെള്ള സൗകര്യങ്ങളും ഒരുക്കും
സ്റ്റേഷനുകളില് ഫുഡ് കോര്ട്ട് സ്ഥാപിക്കും
ഇന്ധനവിലയുമായി ബന്ധിപ്പിച്ചുള്ള നിരക്ക് വര്ദ്ധന നടപ്പാക്കും. ഇന്ധന വില കൂടിയാല് നിരക്കും കൂടും. കുറഞ്ഞാല് നിരക്കും കുറയും.
വികലാംഗര്ക്കും മുതിര്ന്ന പൗരന്മാര്ക്കും റെയില്വേ സ്റ്റേഷനുകളില് ബാറ്ററിയില് ഓടുന്ന കാര്
തിരഞ്ഞെടുക്കപ്പെട്ട ട്രെയിനുകളില് വൈ ഫൈ സംവിധാനം
യാത്രാക്കൂലി വര്ദ്ധിപ്പിച്ച് മാത്രം റെയില്വേയ്ക്ക് പിടിച്ചു നില്ക്കാനാവില്ല
പുരോഗമിച്ചു കൊണ്ടിരിക്കുന്ന പദ്ധതികള്ക്ക് 5 ലക്ഷം കോടി രൂപയുടെ ആവശ്യം
കൂട്ടത്തോടെയുള്ള പദ്ധതികള് പൊതു സ്വകാര്യ പങ്കാളിത്തത്തോടെ നടപ്പാക്കും
നേരിട്ടുളള വിദേശ നിക്ഷേപത്തിന് മന്ത്രിസഭയുടെ അനുമതി കാക്കുന്നു
അടുത്ത 10 വര്ഷത്തേക്ക് 50,000 കോടി രൂപയുടെ ആവശ്യകത
പദ്ധതികള് പ്രഖ്യാപിക്കുന്നതിനെക്കാള് ശ്രദ്ധ നല്കേണ്ടത് പദ്ധതികളുടെ പൂര്ത്തീകരണത്തിനാണ്
2013 ല് പാസഞ്ചര് സര്വീസില് ഒരാളില് നിന്ന് 23 പൈസയുടെ നഷ്ടമുണ്ടാവുന്നു
സാമൂഹ്യവും വ്യാവസായികവുമായ കടമകള് നിറവേറ്റേണ്ടതുണ്ട്
30 വര്ഷത്തിനിടെ നാലു പദ്ധതികള് പൂര്ത്തിയാവും
ചരക്കു നീക്കത്തില് ഇന്ത്യന് റെയില്വേയെ ലോകത്ത് ഒന്നാമതെത്തിക്കുക ലക്ഷ്യം
ആഘുനികവല്ക്കരണത്തിന് ഊന്നല്
കന്യാകുമാരി മുതല് ബാരാമുള്ള വരെയുള്ള എല്ലാവര്ക്കുമുള്ള ബജറ്റെന്ന് മന്ത്രി
ഒരു മാസത്തിനിടെ നിവേദനങ്ങളുടെ പ്രളയമാണ് തനിക്ക് ലഭിച്ചത്
പുതിയ ട്രെയിനിനും പാതകള്ക്കും വേണ്ടി സംസ്ഥാനങ്ങള് സമീപിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
