ട്രെ​യി​നു​ക​ളി​ലെ ബ​യോ ടോ​യ്​ല​റ്റു​ക​ളു​ടെ പ്രവർത്തനം മെച്ചപ്പെടുത്താൻ ഒരുങ്ങുകയാണ് റെയിൽവേ. അതിന്റെ ഭാഗമായി റെയിൽവേ ഈ വർഷം 42 കോ​ടി രൂ​പ ചെ​ല​വാ​ക്കി 3350 ലോ​ഡ്​ പ​ശു​ചാ​ണ​കം വാങ്ങും. 2017ൽ സ്​​ഥാ​പി​ച്ച 1,99,689 ബ​യോ ടോ​യ്​​ല​റ്റു​ക​ളി​ല്‍ 25,000 എ​ണ്ണം പ്ര​വ​ര്‍​ത്ത​ന​ര​ഹി​ത​മാ​ണെ​ന്ന്​ കം​ട്രോ​ള​ര്‍-​ഒാ​ഡി​റ്റ​ര്‍ ജ​ന​റ​ല്‍ പാ​ര്‍​ല​മന്റിൽ സമർപ്പിച്ച റി​പ്പോ​ര്‍​ട്ട്​ വ്യ​ക്​​ത​മാ​ക്കു​ന്നുണ്ട്. 2016-17ല്‍ ​ര​ണ്ടു​ല​ക്ഷം യാ​ത്ര​ക്കാ​രാ​ണ്​ ബ​യോ ടോ​യ്​​ല​റ്റു​ക​ള്‍​ക്കെ​തി​രെ പ​രാ​തി ന​ല്‍​കി​യ​തെ​ന്നും റി​പ്പോ​ര്‍​ട്ടി​ല്‍ പറയുന്നു.

മാ​ലി​ന്യ​ടി​ന്നു​ക​ളു​ടെ​യും മ​ഗ്ഗു​ക​ളു​ടെ​യും ദൗ​ര്‍​ല​ഭ്യം, ദു​ര്‍​ഗ​ന്ധം, പ്ര​വ​ര്‍​ത്ത​ന​ക്ഷ​മ​മി​ല്ലാ​യ്​​മ, തു​ട​ങ്ങി​യ പ​രാ​തി​ക​ളാ​യി​രു​ന്നു കൂ​ടു​ത​ലും. എ​ന്നാ​ല്‍, യാ​ത്ര​ക്കാ​ര്‍ ശ​രി​യാ​യ​രീ​തി​യി​ല്‍ ഉ​പ​യോ​ഗി​ക്കാ​ത്ത​താ​ണ് ത​ക​രാ​റി​ലാ​വാ​ന്‍ കാ​ര​ണ​മെ​ന്നാ​ണ് റെ​യി​ല്‍വേ​യുടെ വാ​ദം. നി​ല​വി​ല്‍ 44.8 ശ​ത​മാ​നം ട്രെ​യി​നു​ക​ളി​ല്‍ ബ​യോ ടോ​യ്​ല​റ്റു​ക​ളാ​ണ് സ്ഥാ​പി​ച്ചി​ട്ടു​ള്ള​ത്. എ​ല്ലാ ട്രെ​യി​നു​ക​ളി​ലും ഇ​വ സ്ഥാ​പി​ക്കു​ന്ന​തി​ന്റെ ഭാ​ഗ​മാ​യാ​ണ്​ വ​ന്‍​തോ​തി​ല്‍ ചാ​ണ​കം ഇ​റ​ക്കു​ന്ന​ത്. മ​നു​ഷ്യ വി​സ​ര്‍​ജ്യം സം​സ്​​ക​രി​ക്കു​ന്ന ബാ​ക്ടീ​രി​യ​ക​ളു​ണ്ടാ​കു​ന്ന 'ഇ​നോ​ക്കു​ലം' ഉ​ല്‍​പാ​ദി​പ്പി​ക്കാ​നാ​ണ് ചാ​ണ​കം ഉ​പ​യോ​ഗി​ക്കു​ന്നത്.