കോടതി നടപടികള് തുടങ്ങുന്നതിന് മുമ്പ് രാവിലെ ചായകുടിക്കാന് ജഡ്ജിമാര് ചേര്ന്നപ്പോഴാണ് ചീഫ് ജസ്റ്റിസ് അതൃപ്തി അറിയിച്ചത്, ഉച്ചഭക്ഷണത്തിന് ശേഷം സമവായ ചര്ച്ച നടക്കും
തന്നോടുള്ള അഭിപ്രായവ്യത്യാസം മാധ്യമങ്ങളിലൂടെ മുതിര്ന്ന് ജഡ്ജിമാര് വെളിപ്പെടുത്തിയതില് ചീഫ് ജസ്റ്റിസ് ദീപക് മിശ്രയ്ക്ക് അതൃപ്തി. ഉച്ചയ്ക്ക് ശേഷം വിമതരായ നാല് ജഡ്ജിമാരുമായി ചര്ച്ച നടത്താമെന്നും ചീഫ് ജസ്റ്റിസ് സമ്മതിച്ചു. കോടതി നടപടികള് തുടങ്ങുന്നതിന് മുമ്പ് രാവിലെ ചായകുടിക്കാന് ജഡ്ജിമാര് ചേര്ന്നപ്പോഴാണ് അദ്ദേഹം ഇക്കാര്യം അറിയിച്ചത്. സുഖമില്ലാത്തതിനാല് ജസ്റ്റിസ് ജെ. ചലമേശ്വര് ഇന്നലെ കോടതിയില് എത്തിയിരുന്നില്ല. അതിനാലാണ് ചര്ച്ച ഇന്നത്തേക്ക് മാറ്റിയത്. ഉച്ചഭഖ്ഷണത്തിന് ശേഷമാണ് ചര്ച്ച. കോടതി നടപടികള് സുതാര്യമാക്കുന്നതിന് വ്യക്തമായ രൂപരേഖ വേണമെന്ന് ജസ്റ്റിസ് ചലമേശ്വര് ഉള്പ്പെടെ ആവശ്യപ്പെട്ടു. ഇത് സംബന്ധിച്ച നിര്ദ്ദേശങ്ങള് ചീഫ് ജസ്റ്റിസിന് കൈമാറി.
പ്രധാനപ്പെട്ട കേസുകളും പൊതുതാല്പര്യ ഹര്ജികളും പരിഗണിക്കുന്നതിനുള്ള മാനദണ്ഡം ഉണ്ടാക്കണം. അതിനനുസരിച്ച് നടപടിക്രമങ്ങള് സുതാര്യമാക്കണമെന്നും വിമതജഡ്ജിമാര് ആവശ്യപ്പെട്ടതായാണ് വിവരം. സി.ബി.ഐ പ്രത്യേക കോടതി ജഡ്ജിയായിരുന്ന ബി.എച്ച് ലോയ ദുരൂഹസാഹചര്യത്തില് കൊല്ലപ്പെട്ട സംഭവത്തിലെ പൊതുതാല്പര്യ ഹര്ജി ജൂനിയറായ ജസ്റ്റിസ് അരുണ് മിശ്രയുടെ ബെഞ്ചിന്റെ പരിഗണനയ്ക്ക് വിട്ടതാണ് സീനിയര് ജഡ്ജിമാരായ ചലമേശ്വറിനെയും കുര്യന് ജോസഫിനെയും മദന് ബി ലോക്കൂറിനെയും രഞ്ചന് ഗോഗോയിയെയും ചൊടിപ്പിച്ചത്. രണ്ട് മാസം മുമ്പ് ലക്നൗ മെഡിക്കല് കോഴ വിവാദത്തില് ചീഫ് ജസ്റ്റിസിനെതിരെ ആരോപണം ഉയന്നയിച്ച് സമര്്പപിച്ച് ഹര്ജി അഞ്ചംഗ ഭരണഘടനാ ബെഞ്ചിന്റെ പരിഗണനയ്ക്ക് ജസ്റ്റിസ് ചലമേശ്വര് വിട്ടിരുന്നു. ഉടന് ചീഫ് ജസ്റ്റിസ് ഏഴംഗ ബെഞ്ച് വിളിച്ച് ചേര്ത്ത് ഉത്തരവ് റദ്ദാക്കി. ഹര്ജി താന് അധ്യക്ഷനായ ബെഞ്ചിലേക്ക് മാറ്റുകയും ചെയ്തു. അത് വിവാദമായിരുന്നു.
https://www.facebook.com/Malayalivartha
