ഇന്ത്യ താമസിക്കാതെ ലോകത്തെ അഞ്ചാമത്തെ സാമ്പത്തിക ശക്തിയായി മാറുമെന്ന് ധനമന്ത്രി അരുണ്‍ ജെയ്്റ്റ്‌ലി. ഇന്ത്യന്‍ സമ്പദ് വ്യവസ്ഥയാണ് ലോകത്ത് അതിവേഗം വളരുന്നത്. സര്‍ക്കാര്‍ നടപ്പാക്കിയ സാമ്പത്തിക പരിഷ്‌കരണ നടപടികള്‍ ഫലം കണ്ടെന്നും എട്ട് ശതമാനം വളര്‍ച്ചയാണ് ലക്ഷ്യമെന്നും അദ്ദേഹം വ്യക്തമാക്കി. ജി.എസ്.ടി നടപ്പാക്കിയ ശേഷമുള്ള ആദ്യത്തെ പൊതുബജറ്റ് അവതരിപ്പിക്കുകയായിരുന്നു മന്ത്രി. പൊതുനിക്ഷേപം വര്‍ദ്ധിപ്പിക്കും. വിദേശ നിക്ഷേപം കൂടി. നോട്ട് നിരോധനത്തിന് ശേഷം കറന്‍സി ഇടപാടുകള്‍ കുറഞ്ഞു. കാര്‍ഷിക, ഗ്രാമീണ മേഖലയ്ക്ക് ബജറ്റില്‍ ഊന്നില്‍ നല്‍കും. വിദ്യാഭ്യാസ നിലവാരം മെച്ചപ്പെടുത്തും. മുതിര്‍ന്ന പൗരന്‍മാരുടെ സുരക്ഷ ഉറപ്പാക്കും. അര്‍ഹതപ്പെട്ടവര്‍ക്ക് ആനുകൂല്യങ്ങള്‍ നേരിട്ടെത്തിക്കാനായി. കാര്‍ഷികോല്‍പാദനം ഇരട്ടിയാക്കും. ഇടനിലക്കാരെ ഒഴിവാക്കി അഴിമതി കുറച്ചെന്നും മന്ത്രി.

കാര്‍ഷികമേഖലയിലെ അടിസ്ഥാന സൗകര്യങ്ങള്‍ മെച്ചപ്പെടുത്തുമെന്നും 2018-19ലെ പൊതുബജറ്റ് അവതരിപ്പിച്ച് ധനമന്ത്രി വ്യക്തമാക്കി. ഇടനിലക്കാരെ ഒഴിവാക്കി കര്‍ഷകര്‍ക്ക് ഉല്‍പന്നങ്ങള്‍ വില്‍ക്കാന്‍ സൗകര്യം ഏര്‍പ്പെടുത്തി. താങ്ങുവില കമ്പോള വിലയേക്കാള്‍ കുറഞ്ഞെങ്കില്‍ സര്‍ക്കാര്‍ നഷ്ടം നികത്തും. സംയുക്തമേഖലയില്‍ ജൈവകൃഷി പ്രോല്‍സാഹിപ്പിക്കും. കാര്‍ഷിക മേഖലയ്ക്കായി ഓപ്പറേഷന്‍ ഗ്രീന്‍ 500 കോടിക്ക് നടപ്പാക്കും. താങ്ങുവില ഒന്നരമടങ്ങാക്കും. ഇപ്പോഴത്തേത് ഉയര്‍ന്ന വില. ഭക്ഷ്യ സംസ്‌കരണത്തിന് 1400 കോടി വകയിരുത്തി. ഇതിന് തുടക്കത്തില്‍ 500 കോടി അനുവദിച്ചു. മുള കൃഷി പ്രോല്‍സാഹനത്തിന് ദേശീയ ബാംബു മിഷന്‍. 10000 കോടിയുടെ മത്സ്യ-മൃഗസംരക്ഷണ ഫണ്ട് വകയിരുത്തി. കാര്‍ഷികോല്‍പന്നങ്ങളുടെ കയറ്റുമതി ഉദാരമാക്കും അതിനായി 42 കാര്‍ഷിക പാര്‍ക്കുകള്‍ സ്ഥാപിക്കും. കാര്‍ഷിക വായ്പകള്‍ക്കായി 11,80000 കോടി. ഉള്ളി, ഉരുളക്കിഴങ്ങ് ഉല്‍പാദനം വര്‍ദ്ധിപ്പിക്കാന്‍ 500 കോടി.

നാല് കോടി പാവപ്പെട്ടവര്‍ക്ക് സൗജന്യ വൈദ്യുതി കണക്ഷന്‍. എച്ച് കോടി സ്ത്രികള്‍ക്ക് സൗജന്യ പാചക വാതകം. അടുത്ത സാമ്പത്തിക വര്‍ഷം രണ്ട് കോടി കക്കൂസുകള്‍ പണിയും. അടുത്ത സാമ്പത്തിക വര്‍ഷം ഗ്രാമങ്ങളില്‍ 11 ലക്ഷം വീട്. ഗ്രാമീണ ചന്തകളുടെ നവീകരണത്തിന് തൊഴിലുറപ്പ് തൊഴിലാളികളെ നിയോഗിക്കും. 321 കോടി തൊഴിലുറപ്പിന് വകയിരുത്തി. ഗ്രാമീണ നവീകരണത്തിന് തൊഴിലുറപ്പ് പദ്ധതി ഫലപ്രദമാക്കും. ഗ്രാമീണ മേഖലയ്ക്ക് 14. 34 ലക്ഷം കോടി. ഏകലവ്യ സ്‌കൂളുകള്‍ക്ക് നവോദയ സ്‌കൂളുകളുടെ പദവി നലല്‍കും. വിദ്യാലയങ്ങളിലെ അടിസ്ഥാന സൗകര്യം വര്‍ദ്ധിപ്പിക്കാന്‍ ഒരു ലക്ഷം കോടി. ബ്ലാക്ക് ബോര്‍ഡില്‍ നിന്ന് ഡിജിറ്റല്‍ ബോര്‍ഡാക്കും.