എല്ലാ ഇലക്ട്രോണിക് റെക്കോഡുകളും തെളിവായി സ്വീകരിക്കാമെന്ന് സുപ്രീംകോടതി
ലോകം കൂടുതല് ഇലക്ട്രോണിക്വത്കൃതമായിക്കൊണ്ടിരിക്കുന്ന കാലത്ത് സര്ട്ടിഫൈ ചെയ്യാത്ത ഇലക്ട്രോണിക് റെക്കോഡുകളും തെളിവായി സ്വീകരിക്കാമെന്ന് സുപ്രീംകോടതി.ക്രിമിനല് കേസുകളില് ഏറെ നിര്ണായകമാവുന്ന ഇലക്ട്രോണിക് റെക്കോഡുകള് തെളിവായി സ്വീകരിക്കുന്നതിന് തെളിവുനിയമത്തിലെ 65ബി (നാല്) വകുപ്പുപ്രകാരം അതുമായി ബന്ധപ്പെട്ട ഉദ്യോഗസ്ഥന് സര്ട്ടിഫൈ ചെയ്തിരിക്കണമെന്ന് നിബന്ധനയുണ്ട്. ഇത് വ്യാഖ്യാനിക്കവെയാണ് നീതിയുടെ താല്പര്യത്തിനായി ഈ നിബന്ധനയില് ഇളവ് നല്കാമെന്ന് ജസ്റ്റിസുമാരായ എ.കെ. ഗോയലും യു.യു. ലളിതും അഭിപ്രായപ്പെട്ടത്.
ഇലക്ട്രോണിക് റെക്കോഡുകള് അതുമായി ബന്ധപ്പെട്ട ഉദ്യോഗസ്ഥന് സര്ട്ടിഫൈ ചെയ്തിരിക്കണമെന്ന് നിര്ബന്ധം പിടിക്കേണ്ടതില്ലെന്നായിരുന്നു ജഡ്ജിമാരുടെ നിരീക്ഷണം. നിബന്ധന കര്ശനമായി നടപ്പാക്കിയാല് ആവശ്യമായ തെളിവ് കൈവശമുണ്ടായിട്ടും നീതി നിഷേധിക്കപ്പെടുന്ന അവസ്ഥയുണ്ടാവും. ഇത് അനുവദിക്കാനാവില്ല കോടതി ചൂണ്ടിക്കാട്ടി.
വിഷയത്തില് അമിക്കസ് ക്യൂറിയായി നിയോഗിക്കപ്പെട്ട മുതിര്ന്ന അഭിഭാഷകരായ അരുണ് മോഹന്, ജയന്ത് ഭൂഷണ്, യശാങ്ക് അദ്യാരു, മീനാക്ഷി അറോറ എന്നിവരുടെ അഭിപ്രായംകൂടി കണക്കിലെടുത്തായിരുന്നു കോടതിയുടെ നിരീക്ഷണം.
https://www.facebook.com/Malayalivartha
