രാജ്യത്ത് ഓഹരി വിപണിയില്‍ വ്യാപാരം തുടങ്ങി രണ്ട് സെക്കന്റിനുള്ളില്‍ നിക്ഷേപകര്‍ക്ക് അഞ്ച് ലക്ഷം കോടിയുടെ നഷ്ടം. മുംബയ് സൂചിക സെന്‍സെക്‌സ് 1000 പോയിന്റ് താഴ്ന്ന് 333, 753ലാണ് വ്യാപാരം നടത്തുന്നത്. ദേശീയ സൂചികയായ നിഫ്റ്റി 371 പോയിന്റ് താഴ്ന്ന് 10,295ലാണ് വ്യാപാരം ആരംഭിച്ചത്. 5,40,000 കോടിയുടെ നഷ്ടമാണ് സംഭവിച്ചത്. കനത്ത വില്‍പ്പന സമ്മര്‍ദ്ദമാണ് വിപണികളെ പിടിച്ചുലച്ചത്. ഇതോടെ നിക്ഷേപകര്‍ ഓഹരി വിറ്റഴിക്കുകയാണ്. അമേരിക്കന്‍ ഓഹരി വിപണിയായ ഡൗണ്‍ ജോണ്‍സിലുണ്ടായ ഇടിവും അമേരിക്കന്‍ ജോബ് ഡാറ്റാ പുറത്ത് വന്നതിനെ തുടര്‍ന്നാണ് ആഗോളവ്യാപകമായി കനത്ത വില്‍പ്പന സമ്മര്‍ദ്ദം ഉണ്ടായത്.

ടാറ്റാ മോട്ടോഴ്‌സിന്റെ ഓഹരി വില പത്ത് ശതമാനമായി കൂപ്പ്കുത്തി. ആക്‌സിസ് ബാങ്ക്, വേദാന്ത, മാരുതി സുസുകി, വിപ്രോ, ടെക് മഹീന്ദ്ര, വിപ്രോ, റിലയന്‍സ്, ഏഷ്യന്‍ പെയിന്റ്‌സ്, ഹിന്ദുസ്ഥാന്‍ യൂണിലിവര്‍, ബജാജ് ഓട്ടോ, എച്ച്.ഡി.എഫ്.സി, മോട്ടോര്‍ കോര്‍പ്പ് എന്നിവയുടെ ഓഹരി നഷ്ടത്തിലാണ് കൂപ്പുകത്തിയത്. 1600 പോയിന്റ് ഇടിഞ്ഞാണ് അമേരിക്കന്‍ ഓഹരി സൂചിക ഇടിഞ്ഞത്. 2011 ആഗസ്റ്റിന് ശേഷം അമേരിക്കന്‍ വിപണിയിലുണ്ടായ ഏറ്റവും വലിയ തകര്‍ച്ചയാണിത്. അമേരിക്കയുടേ ക്രെഡിറ്റ് റേറ്റിംഗ് കുറഞ്ഞതും യൂറോ കടപ്രതിസന്ധിയുമാണ് വിപണിയെ പിടിച്ചുലച്ചത്.