രവി ശാസ്ത്രി ഇന്ത്യന് ടീം ഡയറക്ടര്
ഇന്ത്യ- ഇംഗ്ലണ്ട് ഏകദിന പരമ്പരയ്ക്കുള്ള ഇന്ത്യന് ടീമിന്റെ ഡയറക്റായി രവി ശാസ്ത്രിയെ നിയമിച്ചു. സഞ്ജയ് ബങ്കാര്, ഭരത് അരുണ് എന്നിവരെ അസിസ്റ്റന്റ് കോച്ചുമാരായും നിയമിച്ചിട്ടുണ്ട്. ആര്. ശ്രീധറാണ് ഫീല്ഡിങ് കോച്ച്. ഇംഗ്ലണ്ടില് ഇന്ത്യന് ടീമിന്റെ മോശം പ്രകടനത്തെ തുടര്ന്നാണ് ഇന്ത്യന് ടീം മാനേജ്മെന്റില് വന് അഴിച്ചുപണി നടത്തുന്നത്.
ഈമാസം 25നാണ് ഇന്ത്യ- ഇംഗ്ലണ്ട് ഏകദിന പരമ്പര ആരംഭിക്കുന്നത്.
ബോളിങ് കോച്ച് ജോ ഡൗസ്, ഫീല്ഡിങ് കോച്ച് ട്രവര് പെന്നി എന്നിവരെ തല്സ്ഥാനത്തു നിന്നു മാറ്റി. എന്നാല് ഡങ്കന് ഫ്ളച്ചര് പ്രധാന കോച്ചായി തന്നെ തുടരും.
ഇംഗ്ലണ്ടിനെതിരായ അഞ്ചു ടെസ്റ്റുകളുടെ പരമ്പര ഇന്ത്യ 3-1 ന് തോറ്റിരുന്നു. ഇതില് രണ്ടു മല്സരങ്ങളില് ഇന്ത്യയുടേത് ഇന്നിങ്സ് പരാജയമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
