താജ്മഹലിന്റെ സംരക്ഷണത്തിനായി യു.പി സര്‍ക്കാര്‍ നാലാഴ്ചക്കകം ദൃശ്യങ്ങളോടുകൂടിയ രേഖ കൈമാറണമെന്ന് സുപ്രീം കോടതി ആവശ്യപ്പെട്ടു. താജിനോട് ചേര്‍ന്ന മേഖലയില്‍ എന്തുകൊണ്ടാണ് പൊടുന്നനെ തുകല്‍ വ്യവസായങ്ങളും ഹോട്ടലുകളും ഉയരുന്നതെന്നും കോടതി ചോദിച്ചു. ഇക്കാര്യത്തില്‍ സംസ്ഥാനം വിശദീകരണം നല്‍കണം. കൂടുതല്‍ വിവരങ്ങള്‍ ശേഖരിച്ച് കോടതിയെ അറിയിക്കാമെന്ന് സംസ്ഥാനത്തിന് വേണ്ടി ഹാജരായ അഡീഷനല്‍ സോളിസിറ്റര്‍ ജനറല്‍ തുഷാര്‍ മേത്ത ജസ്റ്റിസുമാരായ എം.ബി. ലോകുര്‍, ദീപക് ഗുപ്ത എന്നിവരടങ്ങിയ ബെഞ്ചിനെ അറിയിച്ചു.
പരിസ്ഥിതി പ്രവര്‍ത്തകന്‍ എം.സി. മേത്ത സമര്‍പ്പിച്ച ഹരജിയെ തുടര്‍ന്നാണ് സുപ്രീംകോടതി ഇടപെടല്‍.