മംഗലാപുരത്ത് 16 ടണ് രക്തചന്ദനം ഡിആര്ഐ പിടികൂടി
മംഗലാപുരം തുറമുഖത്ത് കണ്ടെയ്നറില് കടത്താന് ശ്രമിച്ച 16 ടണ് രക്ത ചന്ദനം ഡിആര്ഐ അധികൃതര് പിടികൂടി. കസ്റ്റംസ് പരിശോധന പൂര്ത്തിയാക്കി ദുബായ്ക്ക് അയച്ച കണ്ടെയ്നര് ഡിആര്ഐ തിരിച്ചുവിളിച്ചു പരിശോധന നടത്തിയാണ് രക്ത ചന്ദനം പിടിച്ചത്. കസ്റ്റംസ് പരിശോധന കഴിഞ്ഞ് ദുബായ്ക്ക് അയച്ച കണ്ടെയ്നര് കൊളംബോ വരെ എത്തിയിരുന്നു. രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
ബാംഗ്ലൂരില് നിന്നു ഒരു സ്വകാര്യ കമ്പനി ഡിറ്റര്ജന്റ് എന്ന പേരില് മംഗലാപുരം തുറമുഖം വഴി ദുബായിലേക്ക് അയച്ച കണ്ടെയ്നറില് നിന്നാണ് രക്തചന്ദനം പിടിച്ചത്. ഡിറ്റര്ജന്റ് എന്ന പേരിലാണെങ്കിലും കണ്ടെയ്നര് നിറയെ രക്തചന്ദനമായിയിരുന്നു. ഇതിനു കോടികള് വിലവരും. മലയാളികളടക്കമുള്ള സംഘമാണ് കടത്തിനു പിന്നിലെന്നാണ് സൂചന. സംഭവുമായി ബന്ധപ്പെട്ട് സംശയം തോന്നിയ നാലു പേരെ ചോദ്യം ചെയ്തുവരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha