പശ്ചിമ ബംഗാള് മുഖ്യമന്ത്രി മമത ബാനര്ജി വനിതാ ഗാന്ധിയാണെന്ന് പട്ടേല് നേതാവ്, ജനകീയ ആവശ്യങ്ങളുടെ സമരപ്രതീകമാണ് മമത
പശ്ചിമ ബംഗാള് മുഖ്യമന്ത്രി മമത ബാനര്ജി വനിതാ ഗാന്ധിയാണെന്ന് പട്ടേല് നേതാവ്. ജനകീയ ആവശ്യങ്ങളുടെ സമരപ്രതീകമാണ് മമതയെന്നും ഹാര്ദ്ദിക് സൂചിപ്പിച്ചു.
മുന് പ്രധാനമന്ത്രി ഇന്ദിരാ ഗാന്ധി മാത്രമാണ് മമതയ്ക്കു തുല്യമെന്നും ഹാര്ദിക് പറഞ്ഞു. കൊല്ക്കത്തയില് മമതയുമായുള്ള ആദ്യ കൂടിക്കാഴ്ചയ്ക്കു ശേഷം ട്വിറ്ററിലൂടെയാണ് ഹാര്ദിക്കിന്റെ പ്രസ്താവന.
കോണ്ഗ്രസും തൃണമൂല് കോണ്ഗ്രസും ഒന്നിക്കുമെന്നാണ് തന്റെ പ്രതീക്ഷയെന്നു പറഞ്ഞ ഹാര്ദിക് രാജ്യത്തെ പ്രതിപക്ഷത്തെ നയിക്കാന് മമത മുന്നോട്ടുവരണമെന്നും ആവശ്യപ്പെട്ടു.
സ്ത്രീ ശാക്തീകരണത്തന്റെ ഭാഗമായി ഗുജറാത്തിലേക്ക് എത്താനുള്ള ക്ഷണം മമത സ്വീകരിച്ചതായും ഉടന് തന്നെ അവര് സംസ്ഥാനത്ത് സന്ദര്ശനം നടത്തുമെന്നും ഹാര്ദിക് പറഞ്ഞു.
പ്രധാനമന്ത്രി നരേന്ദ്ര മോദിയെ ചായക്കാരനെന്ന് വിളിച്ച് ഹാര്ദിക്ക് പട്ടേല് രംഗത്തെത്തിയിരുന്നു. ഒരു ചായക്കാരന് മാത്രമേ യുവാക്കളോട് പക്കോഡ വില്ക്കുന്നതിനെ കുറിച്ച് സംസാരിക്കാന് കഴിയു എന്നായിരുന്നു ഹാര്ദിക്കിന്റെ പരാമര്ശം.
ഒരു ദേശീയ ചാനലിന് നല്കിയ അഭിമുഖത്തിലായിരുന്നു പ്രധാനമന്ത്രി പക്കോഡ കച്ചവടക്കാരെ കുറിച്ച് പ്രതികരിച്ചത്. പക്കോഡ കച്ചവടത്തിലൂടെ ഒരു ദിവസം 200 രൂപ സമ്ബാദിക്കുന്നവരെ തൊഴിലില്ലാത്തവരായി കണക്കാക്കാന് കഴിയുമോ എന്നതായിരുന്നു മോദിയുടെ ചോദ്യം.
2014ലെ ലോക്സഭ തിരഞ്ഞെടുപ്പില് കോണ്ഗ്രസ്സ് നേതാവ് മണിശങ്കര് അയ്യര് മോദിയെ 'ചായ് വാല' എന്നാണ് അഭിസംബോധന ചെയ്തത്. വിവാദമായ ഈ പ്രസ്താവനയെ പ്രചരണായുധമാക്കിയാണ് മോദി തിരഞ്ഞെടുപ്പില് കോണ്ഗ്രസ്സിനെ നേരിട്ടത്.
https://www.facebook.com/Malayalivartha
