വാഹനാപകടത്തിൽ ​ മരിച്ച മക​ന്റെ സംസ്​കാര ചടങ്ങുകൾക്ക്​ പണമില്ലാതെ തുടർന്ന്​ മൃതദേഹം ആശുപത്രിക്ക്​ വിട്ടു നൽകി. വാഹനാപകടത്തിൽ പരിക്കേറ്റ്​ ജഗ്​ദൽപൂർ മെഡിക്കൽ കോളജിൽ ചികിത്സയിലായിരുന്ന ബാമൻ വ്യാഴാഴ്​ചയാണ്​ മരിച്ചത്​. വെള്ളിയാഴ്​ച രാവിലെ മൃതദേഹം മോർച്ചറിയിൽ നിന്ന്​ കൊണ്ടുപോകാൻ ആശുപത്രി അധികൃതർ ആവശ്യപ്പെ​ട്ടു.

ചണ്ഡിഗഡിലെ ബസ്​തർ സ്വദേശിയായ ബാമൻ എന്ന യുവാവിന്റെ മൃതദേഹമാണ്​ സംസ്​കാരത്തിന്​ പണമില്ലാത്തതിനാൽ മെഡിക്കൽ കോളജിന്​ വിട്ടു നൽകിയത്​. മൃതദേഹം ഏറ്റുവാങ്ങി സ്വന്തം ഗ്രാമത്തിലെത്തിക്കാൻ പണമില്ലെന്ന്​ കുടുംബാംഗങ്ങൾ അറിയിക്കുകയായിരുന്നു. തുടർന്നായിരുന്നു മൃതദേഹം കൊണ്ടുപോകുന്നില്ലെങ്കിൽ മെഡിക്കൽ കോളജിന്​ വിട്ടുനൽകാമെന്ന്​ അധികൃതർ അറിയിച്ചത്.