ആം ആദ്മി പാര്ട്ടി നേതാക്കള് പ്രണബ് മുഖര്ജിയെ കാണും, വിഷയം ഡല്ഹി സര്ക്കാര് രൂപീകരണം
ആം ആദ്മി പാര്ട്ടി നേതാക്കള് ഇന്ന് രാഷ്ട്രപതി പ്രണബ് മുഖര്ജിയെ കാണും. ഡല്ഹിയില് സര്ക്കാര് രൂപീകരിക്കാന് ബിജെപിയെ ക്ഷണിക്കാനുള്ള ലഫ്റ്റനന്റ് ഗവര്ണറുടെ നീക്കം ചര്ച്ച ചെയ്യാനാണ് നേതാക്കള് രാഷ്ട്രപതിയെ കാണുന്നത്. നിയമസഭ പരിച്ചുവിട്ട് തിരഞ്ഞെടുപ്പ് നടത്തണമെന്ന ആവശ്യമായിരിക്കും വൈകിട്ട് ആറരയ്ക്ക് നടക്കുന്ന കൂടിക്കാഴ്ച്ചയില് ആം ആദ്മി പാര്ട്ടി നേതാക്കള് പ്രണബ് മുഖര്ജിയെ അറിയിക്കുക. അതിനിടെ സര്ക്കാര് രൂപീകരണ നീക്കങ്ങള്ക്കായി ബിജെപി അധ്യക്ഷന് അമിത് ഷാ സംസ്ഥാന നേതാക്കളുമായി ചര്ച്ച നടത്തും.
ഡല്ഹിയില് സര്ക്കാര് രൂപീകരിക്കാന് ഏറ്റവും വലിയ ഒറ്റകക്ഷിയായ ബിജെപിക്ക് അവസരം നല്കണമെന്നാണ് ലഫ്റ്റനന്റ് ഗവര്ണര് നജീബ് ജങ് രാഷ്ട്രപതി പ്രണബ് മുഖര്ജിയ്ക്ക് വ്യാഴാഴ്ച്ച സമര്പ്പിച്ച റിപ്പോര്ട്ടിലുള്ളത്.
നിലവില് 29 എംഎല്എമാരുള്ള ബിജെപിക്ക് കേവല ഭൂരിപക്ഷത്തിന് അഞ്ച് പേരെ കൂടിയാണ് വേണ്ടത്. ആം ആദ്മി പാര്ട്ടി വിമതനുള്പ്പെടെ മൂന്ന് എംഎല്എമാര് ബിജെപിക്കൊപ്പം നില്ക്കും. കോണ്ഗ്രസിനെയോ, ആം ആദ്മി പാര്ട്ടിയെയോ പിളര്ത്തി രണ്ട് എംഎല്എ മാരുടെ പിന്തുണകൂടി ഉറപ്പാക്കാനാണ് ബിജെപി നീക്കം.
https://www.facebook.com/Malayalivartha
