ആന്ധ്രപ്രദേശില് തലസ്ഥാനമുയരുന്നത് ലണ്ടന് മാതൃകയില്
ആന്ധ്രപ്രദേശിന്റെ പുതിയ തലസ്ഥാനമായ വിജയവാഡയില് നഗരം നിര്മിക്കുന്നത് ലണ്ടന് മാതൃകയില്. മുഖ്യമന്ത്രി ചന്ദ്രബാബു നായിഡുവിന്റെ സ്വപ്ന പദ്ധതിയാണിത്. അദ്ദേഹത്തിന്റെ നേരിട്ടുള്ള മേല്നോട്ടത്തിലാണ് നിര്മാണം നടക്കുന്നത്. ഇതിനായി ലോകത്തിലെ വിവിധ തലസ്ഥാനങ്ങളുടെ മാതൃക അദ്ദേഹം പരിശോധിച്ചു. സിംഗപ്പൂര് സിറ്റി, മലേഷ്യയിലെ പുത്രജയ എന്നിവയെ അടിസ്ഥാനമാക്കി നഗരം നിര്മിക്കും. എന്നാല് വികസനം നടക്കുന്നത് ലണ്ടന് മാതൃകയിലായിരിക്കും.
അമരാവതിക്കു സമീം കൃഷ്ണ നദിക്കരയിലാണ് പുതിയ നഗരം ഉയരുന്നത്.തോംസ് നദിക്കരയില് ലണ്ടന് നഗരം സ്ഥിതി ചെയ്യുന്ന പ്രതീതിയിലാകും പുതിയ നഗരം ഉയരുക. ഇതിനായി ഒമ്പതംഗ സമിതിയെ നിയോഗിച്ചു കഴിഞ്ഞു. കൂടാതെ ആഗോളതലത്തില് വിവിധ കണ്സള്ട്ടന്റുകളെയും ക്ഷണിച്ചിട്ടുണ്ട്. നഗരത്തിലേക്ക് അത്യാധുനിക രീതിയില് രണ്ടു പാലങ്ങള് നിര്മിക്കും. ഭരണ നിര്വഹണത്തിനായി 44 നിലയുള്ള കെട്ടിടം നിര്മിക്കും. ഇതിന്റെ ഡിസൈനര് യുഎസ് ആസ്ഥാനമായ കമ്പനിയാണ്.
https://www.facebook.com/Malayalivartha
