ആധാര് കാര്ഡ് സവിശേഷ തിരിച്ചറിയല് അതോറിറ്റിയ്ക്ക് കൂടുതല് അധികാരം നല്കുന്ന വ്യവസ്ഥകളെ രൂക്ഷമായി വിമര്ശിച്ച് സുപ്രീം കോടതി
സവിശേഷ തിരിച്ചറിയല് അതോറിറ്റിയ്ക്ക് കൂടുതല് അധികാരം നല്കുന്ന വ്യവസ്ഥകളെ രൂക്ഷമായി വിമര്ശിച്ച് സുപ്രീം കോടതി. അതോറിറ്റിക്ക് ഈ രീതിയില് അധികാരം നല്കിയാല് നാളെ അവര് രക്ത സാമ്പിളുകള് കൂടി ആവശ്യപ്പെടുമെന്ന് ജസ്റ്റിസ് ഡി.വൈ ചന്ദ്രചൂഡ് നീരിക്ഷിച്ചു. ആധാറുമായി ബന്ധപ്പെട്ട ഹര്ജികള് പരിഗണിക്കുന്നതിനിടയിലാണ് അദ്ദേഹം ഇക്കാര്യം വ്യക്തമാക്കിയത്. വിരലടയാളത്തിനും ഐറിസ് സ്കാനിംഗിനും പുറമെ പൗരന്റെ മറ്റ് ജൈവിക വിവരങ്ങള് ശേഖരിക്കാന് സവിശേഷ തിരിച്ചറിയല് അധികാരം നല്കുന്ന വ്യവസ്ഥ ചൂണ്ടിക്കാട്ടിയാണ് ജസ്റ്റിസിന്റെ നിരീക്ഷണം.
ഇത് പരിധിയില്ലാത്ത അധികാരമാണെന്നും വ്യക്തിയുടെ സ്വകാര്യത ലംഘിക്കുന്നതാണെന്നും അദ്ദേഹം പറഞ്ഞു. അതേസമയം, നാളെയെക്കുറിച്ച് പറയാനാകില്ലെന്ന് കേന്ദ്രത്തിന് വേണ്ടി ഹാജരായ മുതിര്ന്ന ആഭിഭാഷകന് കെ. കെ. വേണുഗോപാല് മറുപടി നല്കി.
ആധാറിനായി ബയോമെട്രിക് വിവരങ്ങള് അടക്കമുള്ളവ ശേഖരിക്കുന്നത് സ്വകാര്യതയിലേക്കുള്ള കടന്നുകയറ്റമല്ലെന്നും അദ്ദേഹം പറഞ്ഞു.
https://www.facebook.com/Malayalivartha
