രാജസ്ഥാനിലെ ജയ്‌സാല്‍മീര്‍-ബികാനേര്‍ ഹൈവേയില്‍ വാഹനാപകടത്തില്‍ നാല് യുവാക്കള്‍ മരിച്ചു. കാറും ട്രക്കും കൂട്ടിയിടിച്ചാണ് അപകടമുണ്ടായത്. 25-30 വയസിനിടയിലുള്ളവരാണ് മരിച്ചത്. അപകടത്തില്‍ കാര്‍ പൂര്‍ണമായും തകര്‍ന്നു. സുഹൃത്തിന്റെ വീട്ടിലേയ്ക്കുള്ള യാത്രാ മദ്ധ്യേയാണ് അപകടം. മരിച്ചവരുടെ മൊബൈല്‍ ഫോണുകള്‍ ഉപയോഗിച്ചാണ് പോലീസ് ഇവരെ തിരിച്ചറിഞ്ഞ് ബന്ധുക്കളെ വിവരം അറിയിച്ചത്. മൃതദേഹം പോസ്റ്റുമോര്‍ട്ടത്തിനായി ആശുപത്രിയിലേയ്ക്ക് മാറ്റി. ട്രക്ക് ഡ്രൈവര്‍ക്കെതിരേ പോലീസ് കേസെടുത്തു.