ദേശീയ പുരസ്ക്കാര തിളക്കത്തില് മലയാളം; ജയരാജ് മികച്ച സംവിധായകന്, പാര്വതിക്ക് പ്രത്യേക പുരസ്ക്കാരം, തൊണ്ടി മുതല് മികച്ച മലയാളചിത്രം, ഫഹദിന്റെ അഭിനയത്തെ ജൂറി വാനോളം പുകഴ്ത്തി, സജീവ് പാഴൂരിന് തിരക്കഥാ പുരസ്ക്കാരം, യേശുദാസ് മികച്ച ഗായകന്
ദേശീയ ചല്ചിത്ര പുരസ്ക്കാരങ്ങളില് മലയാളത്തിളക്കം. മികച്ച സംവിധായകനുള്ള പുരസ്ക്കാരം ഉള്പ്പെടെ ഇക്കൊല്ലത്തെ ദേശീയ പുരസ്ക്കാരങ്ങള് മലയാളം തൂത്ത് വാരി. ഭയാനകത്തിലൂടെയാണ് ജയരാജ് ദേശീയപുരസ്ക്കാരം സ്വന്തമാക്കിയത്. ടേക്ക് ഓഫിലെ അഭിനയത്തിന് നടി പാര്വതിക്ക് മികച്ച നടിക്കുള്ള സ്പെഷ്യല് ജൂറി പുരസ്ക്കാരവും തൊണ്ടിമുതലും ദൃക്സാക്ഷിയിലെ അഭിനയത്തിന് ഫഹദ് ഫാസിലിന് മികച്ച സഹനടനുള്ള പുരസ്ക്കാരവും ലഭിച്ചു.
ചിത്രത്തിന്റെ തിരക്കഥാകൃത്ത് സജീവ് പാഴൂരിന് ദേശീയ പുരസ്ക്കാരം ലഭിച്ചു. ആളൊരുക്കം എന്ന സിനിമയ്ക്ക് മികച്ച സാമൂഹ്യപ്രസക്തിയുള്ള സിനിമയ്ക്കുള്ള പുരസ്ക്കാരം ലഭിച്ചു. യേശുദാസ് മികച്ച ഗായകനായി. ഭയാനകത്തിന്റെ ഛായാഗ്രാഹകന് നിഖില് പ്രവീണ് മികച്ച ക്യാമറാമാനായി. ഭയാനകത്തിന് മികച്ച അവലംബിത തിരക്കഥയ്ക്കുള്ള പുരസ്ക്കാരവും കിട്ടി. അസാമിസ് ചിത്രമായ വില്ലേജ് റോക്ക് സ്റ്റാറാണ് മികച്ച ചിത്രം. ബംഗാളി നടനായ ഋതി സെന് ആണ് മികച്ച നടന്.
മികച്ച നടിക്കുള്ള കേരള സംസ്ഥാന അവാര്ഡും ഐ.എഫ്.ഐ.ഐ അവാര്ഡും കിട്ടിയതിന് പിന്നാലെയാണ് ദേശീയ പുരസ്ക്കാരവും പാര്വതിയെ തേടിയെത്തുന്നത്. ഇറാഖില് ഇസ്ലാമിക് സ്റ്റേറ്റ് തട്ടിക്കൊണ്ട് പോകുന്ന നഴ്സുമാരുടെ കഥപറഞ്ഞ സിനിമയാണ് ടേക്ക് ഓഫ്. തൊണ്ടിമുതലും ദൃക്സാക്ഷിയും മികച്ച മലയാളം സിനിമയ്ക്കുള്ള പുരസ്ക്കാരം സ്വന്തമാക്കി. ദിലീഷ് പോത്തന് രണ്ടാംതവണയാണ് ഈ പുരസ്ക്കാരം ലഭിക്കുന്നത്. ചിത്രത്തിലെ ഫഹദ് ഫാസിലിന്റെ അഭിനയത്തെ ജൂറി ചെയര്മാന് ശേഖര് കപൂര് വാനോളം പുകഴ്ത്തി. 22 ഫീമെയിലിലെ റേപ്പിസ്റ്റായി അഭിനയിച്ച ആളാണ് തൊണ്ടിമുതലില് കളളനായി അഭിനയിച്ചതെന്ന് അറിഞ്ഞപ്പോള് ഞെട്ടിപ്പോയെന്നും ശേഖര് കപൂര് പറഞ്ഞു.
മികച്ച തിരക്കഥാ പുരസ്ക്കാരം സജീവ് പാഴൂരിന് . മികച്ച കലാസംവിധായകനുള്ള പുരസ്ക്കാരം ടേക്ക് ഓഫിന്റെ സന്തോഷ് രാമന് ലഭിച്ചു. മികച്ച നടിയായി അന്തരിച്ച ശ്രീദേവിയെ തെരഞ്ഞെടുത്തു. മോംമിലെ അഭിനയത്തിനാണ് അവാര്ഡ്.
https://www.facebook.com/Malayalivartha
