കോട്ടയത്തു നിന്നു കശ്‌മീരിലേക്ക്‌ വിനോദയാത്രയ്‌ക്കു പോയ 15 അംഗ സംഘം കാശ്‌മീരില്‍ കുടുങ്ങി. കഴിഞ്ഞ വെള്ളിയാഴ്‌ച റിയ ഹോളിഡേയ്‌സിന്റെ ടൂര്‍ പാക്കേജില്‍ കാശ്‌മീരിലേക്കു പോയവരാണ്‌ കുടുങ്ങിയിരിക്കുന്നത്‌. ഞായറാഴ്‌ചയാണ്‌ ഇവര്‍ കാശ്‌മീരിലെത്തിയത്‌. ദിവസങ്ങളായി ഇവര്‍ക്ക്‌ ആഹാരവും വെള്ളവുമൊന്നും ലഭിക്കുന്നില്ലെന്നും ആരോഗ്യസ്‌ഥിതി ആശങ്കജനകമാണെന്നും ഇവര്‍ അറിയിച്ചതായി സംഘത്തിലുള്ള ചാക്കോ, അച്ചാമ്മ ദമ്പതികളുടെ മകന്‍ സിജോ മാധ്യമങ്ങളോട്‌ പറഞ്ഞു.
റോയല്‍ ബാട്ടു ഹോട്ടലിന്റെ ടെറസില്‍ നാലു ദിവസങ്ങളായി ഇവര്‍ കാത്തിരിക്കുകയാണ്‌. അറുപതിനു മുകളില്‍ പ്രായമുള്ളവരാണ്‌ സംഘത്തിലധികവും.
രണ്ടു ദിവസം മുന്‍പ്‌ ബന്ധപ്പെട്ടപ്പോള്‍ ഹോട്ടലിന്റെ രണ്ടാം നിലവരെ വെള്ളം കയറിയതായി അറിയിച്ചിരുന്നുവെന്നും സിജോ പറഞ്ഞു. ഇവിടുത്തെ വാര്‍ത്താവിനിമയ സംവിധാനങ്ങള്‍ തകരാറിലായതിനാല്‍ ഇവരുമായി ബന്ധപ്പെടാന്‍ സാധിക്കുന്നില്ല.
ടെറസിന്റെ മുകളില്‍ സൈന്യത്തിനായി ഇവര്‍ കാത്തിരിക്കുകയാണെങ്കിലും രക്ഷാപ്രവര്‍ത്തകര്‍ക്ക്‌ ഇതുവരെയും ഇവരെ കണ്ടെത്താനായിട്ടില്ല. ഇവിടേക്ക്‌ രക്ഷാപ്രവര്‍ത്തകര്‍ എത്താത്തതും പ്രശ്‌നം ഗുരുതരമാക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha