മോഡിയെ കണ്ടു സാനിയ മാറി; ഏഷ്യന് ഗെയിംസില് പങ്കെടുക്കും
ടെന്നീസ് താരം സാനിയ മിര്സ ഏഷ്യന് ഗെയിംസില് പങ്കെടുക്കില്ലായെന്ന തീരുമാനം മാറ്റി. ഇന്ത്യന് ടെന്നീസ് അസോസിയേഷനാണ് ഇക്കാര്യം അറിയിച്ചത്. വെള്ളിയാഴ്ച രാവിലെ പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച നടത്തിയിരുന്നു. ഇതിനു പിന്നാലെയാണ് സാനിയ ഏഷ്യന് ഗെയിംസില് പങ്കെടുക്കുന്നുയെന്ന തീരുമാനം അറിയിച്ചത്. യു.എസ് ഓപ്പണില് വിജയിച്ച സാനിയയെ പ്രധാനമന്ത്രി മോഡിയും രാഷ്ട്രപതിയും അഭിനന്ദനങ്ങള് അറിയിച്ചു. പ്രൊഫഷണല് മത്സരങ്ങളില് ശ്രദ്ധ കേന്ദ്രീകരിക്കുന്നതിനു വേണ്ടിയാണ് ഏഷ്യന് ഗെയിംസില് നിന്ന് പിന്മാറുന്നതായി സാനിയ നേരത്തെ പ്രഖ്യാപിച്ചിരുന്നത്.
ഏഷ്യന് ഗെയിംസില് പങ്കെടുക്കുന്ന സാനിയയ്ക്ക് വുഹന് ഓപ്പണ് നഷ്ടമാകും. ഇതുമൂലം 900 റാങ്കിംഗ് പോയിന്റുകളാകും സാനിയയ്ക്ക് നഷ്ടമാകുന്നത്. 900 പോയിന്റുകള് നഷ്ടമാകുമെന്ന് അറിയാം, പക്ഷേ, ചില സന്ദര്ഭങ്ങളില് ഇത്തരം തീരുമാനങ്ങള് എടുക്കേണ്ടി വരുമെന്നാണ് സാനിയ പ്രതികരിച്ചത്.
ഏഷ്യന് ഗെയിംസിനു ശേഷം സെപ്റ്റംബര് 29 മുതല് നടക്കുന്ന ചൈന ഓപ്പണിലും സാനിയ പങ്കെടുക്കും. സാനിയയ്ക്കൊപ്പം മുന്നിര താരങ്ങളായ ലിയാന്ഡര് പെയ്സ്, രോഹന് ബൊപ്പണ്ണ, സോംദേവ് ദേവ്വര്മന് എന്നിവരും ഏഷ്യാഡില് നിന്നു പിന്മാറിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
