ഒഡിസയിലെ മാ പഞ്ചുപവരാഹി ക്ഷേത്രത്തില്‍ 400 വർഷം പഴക്കമുള്ള ആചാരം ലംഘിക്കുന്നു. ക്ഷേത്ര പ്രവേശനത്തെ കുറിച്ചുള്ള പല വാര്‍ത്തകളും നേരത്തെ പുറത്തെത്തിയിട്ടുണ്ട്. 400 വര്‍ഷങ്ങളായി ദളിത് സ്ത്രീകള്‍ക്ക് മാത്രമാണ് പ്രവേശനം ഉണ്ടായിരുന്നത്. പുരുഷന്മാര്‍ക്ക് പ്രവേശനം വിലക്കിയിരുന്നു. 400 വര്‍ഷങ്ങള്‍ക്കിപ്പുറം ആ വിലക്ക് ഛേദിച്ച്‌ പുരുഷന്മാര്‍ ക്ഷേത്രത്തില്‍ കയറിയിരിക്കുകയാണ് ഇപ്പോൾ.

ഇന്ത്യയിലെ മറ്റൊരു ക്ഷേത്രത്തിലുമില്ലാത്ത പ്രത്യേകതളാണ് ഈ ക്ഷേത്രത്തിലുള്ളത്. ദളിതരായ അഞ്ച് സ്ത്രീ പൂജാരികളാണ് ക്ഷേത്രത്തിലെ പൂജ ചെയ്യുന്നത്. വിവാഹിതരായ ദളിത് സ്ത്രീകളാണ് ക്ഷേത്രം വൃത്തിയാക്കുകയും പൂജകള്‍ ചെയ്യുകയും ചെയ്യുന്നത്.

ക്ഷേത്രത്തിലെ പെണ്‍ പൂജാരി കഴിഞ്ഞ 20-ാം തീയതി 5 പുരുഷന്മാര്‍ക്ക് ക്ഷേത്രത്തില്‍ പ്രവേശനം അനുവദിച്ചു. ഇത് പിന്നീട് വിവാദത്തിന് വഴിവെയ്ക്കുകയായിരുന്നു. ഇപ്പോള്‍ 400 വര്‍ഷങ്ങള്‍ക്ക് ശേഷം ക്ഷേത്രത്തിലെ ആചാരം ലംഘിച്ചിരിക്കുകയാണ്. തുടര്‍ന്ന് പുരുഷന്മാരും ക്ഷേത്രത്തില്‍ പ്രവേശിക്കുകയായിരുന്നു.