മൃഗശാലയില്‍ കടുവയുടെ ദൃശ്യങ്ങള്‍ മൊബൈല്‍ലില്‍ പകര്‍ത്തിയ വിനോദ സഞ്ചാര സംഘത്തിലെ വിദ്യാര്‍ത്ഥി വെള്ളക്കടുവയുടെ ആക്രമണത്തില്‍ മരിച്ചു. ഡല്‍ഹി മൃഗശാലയിലാണ് കടുവയുടെ ദൃശ്യങ്ങള്‍ മൊബൈലില്‍ പകര്‍ത്തുന്നതിനിടെ പന്ത്രണ്ടാം ക്ലാസ് വിദ്യാര്‍ഥി മക്‌സൂദ് കൂട്ടിലേയ്ക്ക് വീണത്. പിന്നാലെ വിദ്യാര്‍ഥിയുടെ മേല്‍ ചാടിവീണ കടുവ കഴുത്തിന് കടിച്ചു കൊലപ്പെടുത്തുകയായിരുന്നു.  ഉച്ചയ്ക്ക് 1.30നായിരുന്നു സംഭവം. കടുവയുടെ കൂടിന് ചുറ്റും നിര്‍മിച്ചിരിക്കുന്ന ബാരിക്കേഡിന് ഉയരമില്ലാത്തതാണ് ദുരന്തത്തിന് കാരണമെന്നാണ് വിശദീകരണം. കൂടിന് സമീപം നിന്ന വിദ്യാര്‍ഥിയെ കടുവ കൂട്ടിലേയ്ക്ക് വലിച്ചിട്ടതാണെന്നും പറയപ്പെടുന്നു. കടുവയുടെ കൂട്ടിലേക്ക് വീണ വിദ്യാര്‍ഥി പരിഭ്രാന്തനായി കടുവയ്ക്കു നേര്‍ക്ക് കല്ലെടുത്തെറിയുകയും ഓടി രക്ഷപെടാന്‍ ശ്രമിക്കുകയും ചെയ്തു. തുടര്‍ന്ന് കടുവ ആക്രമിക്കുകയായിരുന്നുവെന്നും പറയുന്നു. അതേസമയം, വിദ്യാര്‍ഥി കടുവയുടെ കൂട്ടിലേയ്ക്ക് ചാടിയതാണെന്നാണ് മൃഗശാല അധികൃതരുടെ വിശദീകരണം. സംഭവത്തെ തുടര്‍ന്ന് മൃഗശാല അടച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha