മഹാരാഷ്‌ട്രയില്‍ രാഷ്‌ട്രപതി ഭരണം ഏര്‍പ്പെടുത്തണമെന്ന്‌ ബിജെപി
മഹാരാഷ്‌ട്രയില്‍ രാഷ്‌ട്രപതി ഭരണം ഏര്‍പ്പെടുത്തണമെന്ന്‌ ആവശ്യപ്പെട്ട്‌ ബിജെപി നേതാവ്‌ ഗവര്‍ണര്‍ സി.വി.റാവുവിനെ കണ്ടു.
ഒന്നരപതിറ്റാണ്ടായി കോണ്‍ഗ്രസുമായി നിലനില്‍ക്കുന്ന സഖ്യം എന്‍സിപി ഇന്നലെ അവസാനിപ്പിച്ചിരുന്നു. നിയമസഭാ തിരഞ്ഞെടുപ്പിലെ സീറ്റു തര്‍ക്കമായിരുന്നു സഖ്യം പിരിയുന്നതിനുള്ള കാരണം. സഖ്യം അവസാനിപ്പിച്ചതിനൊപ്പം തന്നെ സംസ്‌ഥാന സര്‍ക്കാരിനുള്ള പിന്തുണ പിന്‍വലിക്കുമെന്നും അവര്‍ വ്യക്‌തമാക്കിയിരുന്നു.
ഉപമുഖ്യമന്ത്രി പദം ഉടന്‍ തന്നെ രാജി വയ്‌ക്കുമെന്നും പാര്‍ട്ടി അധ്യക്ഷന്‍ ശരദ്‌ പവാറിന്റെ സഹോദരപുത്രന്‍ കൂടിയായ അജിത്‌ പവാര്‍ അറിയിച്ചിട്ടുണ്ട്‌.
ഇതേതുടര്‍ന്നാണ്‌ രാഷ്‌ട്രപതി ഭരണം ആവശ്യപ്പെട്ട്‌ ബിജെപി ഗവര്‍ണറെ കണ്ടത്‌. അടുത്ത മാസം 15നാണ്‌ മഹാരാഷ്‌ട്രയില്‍ നിയമസഭാ തിരഞ്ഞെടുപ്പ്‌ നടക്കുന്നത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
