ചെന്നൈ സെന്‍ട്രല്‍ റെയില്‍വെ സ്റ്റേഷന്‍ വൈ -ഫൈയാവുന്നു. ഇതിനായുള്ള പ്രാഥമിക പ്രവര്‍ത്തനങ്ങള്‍ നടക്കുകയാണ്. ഏതാനും ദിവസങ്ങള്‍ക്കുള്ളില്‍ രാജ്യത്തെ ആദ്യ വൈ -ഫൈ സ്റ്റേഷന്‍ എന്ന ഖ്യാതി ചെന്നൈ സ്വന്തമാക്കും. പദ്ധതിയുടെ ഔപചാരിക ഉദ്ഘാടനം റെയില്‍വെ മന്ത്രി ഡി.വി.സദാനന്ദഗൗഡ വെള്ളിയാഴ്ച നിര്‍വഹിച്ചു.
റെയില്‍വെ സ്റ്റേഷന്റെ 60 മീറ്റര്‍ ചുറ്റളവില്‍ 512 കെപിബിഎസ് ബാന്‍ഡ് വിഡ്ത്ത് കണക്റ്റിവിറ്റി ഉറപ്പാക്കും. ഇതിനായി പ്രത്യേക ബൂസ്റ്റര്‍ സ്ഥാപിക്കും. 60 ലക്ഷം രൂപയാണ് പദ്ധതിയുടെ ചെലവ്. ഇതോടെ സ്‌റ്റേഷനിലെത്തുന്ന യാത്രക്കാര്‍ക്ക് ഇടതടവില്ലാതെ വൈ -ഫൈ സേവനം ഉപയോഗിക്കാനാകും.
ആദ്യ 30 മിനിട്ടില്‍ സേവനം തികച്ചും സൗജന്യമായിരിക്കും. കൂടുതല്‍ സേവനത്തിന് ഓണ്‍ലൈന്‍ പേമെന്റ് നടത്തിയാല്‍ മതിയാകും. വൈ-ഫൈ ഉപയോഗിക്കാന്‍ ഒറ്റത്തവണ പാസ്‌വേര്‍ഡായിരിക്കും നല്‍കുക. ഡേറ്റാ ഡൗണ്‍ലോഡിന് നിയന്ത്രണമൊന്നുമില്ല. എന്നാല്‍ അപ്ലോഡ് ചെയ്യാന്‍ നിയന്ത്രണങ്ങളുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha