വിവാഹമോചനം വേണമെന്നാവശ്യപ്പെട്ടുണ്ടായ തര്‍ക്കത്തിനിടെ യുവാവ് ഭാര്യാമാതാവിനെ കൊലപ്പെടുത്തി. വടക്ക് പടിഞ്ഞാറ് ഡല്‍ഹിയിലെ കേശവപുരത്താണ് സംഭവമുണ്ടായത്. ഇതിനു പിന്നാലെ 25കാരനായ ഭര്‍ത്താവ് അഫ്‌റോസ് ഒളിവില്‍ പോയിരിക്കുകയാണ്. ഗര്‍ഭിണിയായ ഭാര്യയോട് അഫ്‌റോസ് വിവാഹമോചനം ആവശ്യപ്പെട്ടിരുന്നു. ഇത് ചോദിക്കാനാണ് അമ്മ ഇരുവരും താമസിക്കുന്ന ഗാസീപൂരിലെ വീട്ടിലെത്തിയത്. തുടര്‍ന്നുണ്ടായ തര്‍ക്കം കൊലപാതകത്തില്‍ കലാശിക്കുകയായിരുന്നു.

തടയാന്‍ എത്തിയ ഭാര്യയ്ക്കും പരിക്കേറ്റു. ഇവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തില്‍ പൊലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്.