ജനങ്ങൾക്കിടയിൽ പാർട്ടിയുടെ മുഖം നഷ്ടമാകാതിരിക്കാൻ സോഷ്യൽ മീഡിയയിൽ വ്യാജമായതൊന്നും പ്രചരിപ്പിക്കരുതെന്ന് ബിജെപി അധ്യക്ഷൻ അമിത് ഷാ. ഡൽഹിയിൽ വിളിച്ചുചേർത്ത ബിജെപിയുടെ സോഷ്യൽ മീഡിയ പ്രവർത്തകരുടെയും പാർട്ടി പ്രവർത്തകരുടെയും യോഗത്തിലാണ് ഇക്കാര്യം വ്യക്തമാക്കിയത്.

വ്യാജ ചിത്രങ്ങൾഎം, വിവരങ്ങൾ, സന്ദേശങ്ങൾ എന്നിവ ട്വിറ്ററിലൂടെയും ഫേസ്ബുക്കിലൂടെയും ഒക്കെ പോസ്റ്റ് ചെയ്യുന്നത് ഒഴിവാക്കണമെന്നും പാർട്ടി അധ്യക്ഷൻ പറഞ്ഞു. ഇത് ജനങ്ങൾക്കിടയിൽ പാർട്ടിയോടുള്ള വിശ്വാസ്യത നഷ്ടപെടുത്തുമെന്നും അദ്ദേഹം പറഞ്ഞു. ഡൽഹിയിലെ എംഡി എംസി കൺവെൻഷൻ സെന്ററുകളിലായിരുന്നു മുന്നൂറോളം പാർട്ടി പ്രവർത്തകർ പങ്കെടുത്ത യോഗം നടന്നത്. സോഷ്യൽ മീഡിയ പ്ലാറ്റ്‌ഫോമുകളിൽ ആയിരത്തിലധികം ഫോല്ലോവേഴ്‌സുള്ളവരെയാണ് യോഗത്തിൽ പങ്കെടുപ്പിച്ചത്. കോൺഗ്രസ്സ് ഭരിച്ചിരുന്ന കാലത്തെ ഇന്ത്യയുടെ അവസ്ഥയും നരേന്ദ്രമോദി ഭരിക്കുന്ന സമയത്തെ ഇന്ത്യയുടെ അവസ്ഥയും താരതമ്യം ചെയ്ത് മോഡി സർക്കാരിന്റെ വികസന നേട്ടങ്ങളെ കുറിചുള്ള നിരീക്ഷണങ്ങൾ എഴുതണമെന്നാണ് അമിത് ഷാ പ്രവർത്തകരോട് പറഞ്ഞത്. ഉടൻതന്നെ എല്ലാവരും ഫോളോവേഴ്‌സിന്റെ എണ്ണം വർധിപ്പിക്കണമെന്നും സോഷ്യൽ മീഡിയ പോസ്റ്റുകൾക്ക് പരമാവധി റീച്ച് കൂട്ടണമെന്നും അദ്ദേഹം പ്രവർത്തകരോട് പറഞ്ഞു.