സ്‌കൂള്‍ ഉടമയും കുടുംബവും നിര്‍ത്തിയിട്ട ട്രക്കില്‍ ഇടിച്ച് മരിച്ചു. തെലുങ്കാനയിലെ പെഡ്ഡപ്പള്ളി ജില്ലയില്‍ വച്ചാണ് അപകടമുണ്ടായത്. ഹൈദരാബാദില്‍ നിന്നും കരിംനഗറിലേക്ക് പോകുകയായിരുന്ന ട്രക്കില്‍ ഇടിച്ചു കയറിയാണ് അപകടമുണ്ടായിരിക്കുന്നത്. അപകടസമയത്ത് കാറില്‍ സ്‌കൂള്‍ ഉടമയും ഭാര്യയും രണ്ട് മക്കളും മാത്രമാണ് വാഹനത്തില്‍ ഉണ്ടായിരുന്നത്. അരുണ്‍കുമാര്‍ ഭാര്യ സൗമ്യ, കുട്ടികളായ അഖിലേഷ് കുമാര്‍, ഷാന്‍വി എന്നിവരാണ് കൊല്ലപ്പെട്ടത്.

നഗരത്തില്‍ തന്നെ സ്‌കൂള്‍ നടത്തുകയായിരുന്നു അരുണ്‍ കുമാര്‍. ഹൈദരാബാദിലെ കോളജില്‍ സഹോദരനും ഭാര്യാ സഹോദരനും അഡ്മിഷന്‍ ഏര്‍പ്പെടുത്തിയ ശേഷം തിരികെ വരുമ്പോഴാണ് അപകടമുണ്ടായത്. ലോറി നിര്‍ത്തിയിട്ടത് ശ്രദ്ധിക്കാതെ വണ്ടിയോടിച്ചതാണ് അപകടത്തിന് കാരണമെന്ന് പോലീസ് പറഞ്ഞു.