ഗുജറാത്തിലെ സ്​കൂള്‍ ശുചിമുറിയില്‍ ഒമ്ബതാം ക്ലാസ്​ വിദ്യാര്‍ഥിയെ കൊല്ലപ്പെട്ടനിലയില്‍ കണ്ടെത്തി. വയറില്‍ അഴത്തിലുള്ള മുറവുകളുമായാണ്​ വിദ്യാര്‍ഥിയുടെ മൃതദേഹം കണ്ടെത്തിയത്​. വെള്ളിയാഴ്​ച രാവിലെ കണ്ടെത്തിയ മൃതദേഹം പോസ്​മാര്‍ട്ടത്തിനായി ആശുപത്രിയിലേക്ക്​ മാറ്റി.

കഴിഞ്ഞ വര്‍ഷം ഗുഡ്​ഗാവിലെ സ്​കൂളിലും സമാനമായ സംഭവം ഉണ്ടായിരുന്നു. അന്ന്​ സ്​കൂളിലെ ശുചിമുറിയില്‍ നിന്ന്​ ഏഴ്​ വയസുകാര​ന്റെ മൃതദേഹമാണ്​ കണ്ടെത്തിയത്​. സ്​കുളുകളിലെ സുരക്ഷ​യെ സംബന്ധിച്ച്‌​ വലിയ ചര്‍ച്ചകള്‍ ഉണ്ടാവുന്നതിന്​ ഗുഡ്​ഗാവിലെ കൊലപാതകം കാരണമായിരുന്നു. സംഭവവുമായി ബന്ധപ്പെട്ട്​ സ്​കൂള്‍ ഡ്രൈവറെ പൊലീസ്​ അറസ്​റ്റ്​ ചെയ്​തെങ്കിലും വിശദമായ അന്വേഷണത്തില്‍ സ്​കുളിലെ തന്നെ മറ്റൊരു വിദ്യാര്‍ഥിയാണ്​ പ്രതിയെന്ന്​ കണ്ടെത്തുകയുമായിരുന്നു.